မြန်မာ-အန္ဒိယနယ်စပ်တမူးမြို့တွင် စစ်ကောင်စီမွေးထားသောပျူစောထီးအဖွဲ့က သတ်ဖြတ်လိုက်သည့် အိန္ဒိယနိုင်ငံသားနှစ်ဦး၏ ရုပ်အလောင်းကို စစ်ကောင်စီက ပြန်မပို့သေး၍ အိန္ဒိယနိုင်ငံမိုးရေးမြို့ ရှိအန္ဒိယနိုင်ငံသားဒေသခံများက ယနေ့တွင်ဆန္ဒထုတ်ဖော်နေကြပြီး စစ်ကောင်စီ၏နယ်
စပ်ကင်းစခန်းကိုလည်း မီးရှို့လိုက်ကြောင်း ဒေသခံများကပြောသည်။
နယ်စပ်ဖြတ်ကျော်ရောက်ရှ်ိလာသည့် အိန္ဒိယနိုင်ငံသားနှစ်ဦးကို တမူးမြို့ စောဘွားရပ်ကွက်ရှိ စစ်ကောင်စီဂိတ်မှ ပျုစောထီးများက ယမန်နေ့(ဇူလိုင် ၅ရက်)နေ့လယ် ၁ နာရီခန့်တွင်သေနတ်ဖြင့် ပစ်သတ်ခဲ့သည်။ ရုပ်အလောင်းကို ၂၄ နာရီကျော်လာသည်အထိ ပြန်လွှဲမပေး၍အန္ဒိယနိုင်ငံ မိုးရေးမြို့ခံပြည်သူအများအပြားက ဆန္ဒထုတ်ဖော်နေကြောင်း နယ်စပ်ဒေသနေသူများကပြောသည်။
” အိန္ဒိယနိုင်ငံသားနှစ်ဦး အလောင်းကို ပြန်မလွှဲလို့ မိုရေးမှာ ပြဿနာအကြီးအကျယ်တက်နေပြီ။ ရဲစခန်းကိုဆန္ဒပြတယ်။ အာမီ(အိန္ဒိယစစ်တပ်)က လိုက်ထိန်းနေရတယ်။အခုထိဆန္ဒ
ပြနေကြတုန်း” ဟု ယနေ့(ဇူလိုင် ၆ရက်) ညနေ ၅နာရီ ၃၀ မိနစ်ဝန်းကျင် အခြေအနေကို ပြောပြသည်။
“စစ်ကောင်စီက အလောင်းဖျောက်လိုက်ပြီကြားတယ်။ အလောင်းပြန်မပေးနိူင်ရင်တော့ စစ်ကောင်စီမြွေကိုက်ပြီ”ဟု တမူးမြို့ခံတစ်ဦးကပြောသည်။
အိန္ဒိယနိုင်ငံသားနှစ်ဦးသေနတ်ဖြင့်ပစ်သတ်ခံရသည့်ဖြစ်စဥ်ကိုဒေါသထွက်နေသည့် မိုရေးမြို့ခံအိန္ဒိယနိုင်ငံသာများသည်နှစ်နိုင်ငံနယ်စပ်ရှိ ကင်းစခန်းတစ်ခုကို မီးရှို့လိုက်ကြောင်းလည်းမျက်မြင်အချို့ကပြောသည်။
အိန္ဒိယနိုင်ငံသားနှစ်ဦးအား သေနတ်ဖြင့် ပစ်သတ်လိုက်သည့် ပျူစောထီးအဖွဲ့၏သတင်းလည်းပျောက်နေပြီး နှုတ်ပိတ်ခံရနိုင်ကြောင်းလည်း မြို့ခံများက သုံးသပ်နေကြသည်။
