စစ်အာဏာရှင်အား တိုက်ခိုက်မည့် အထူးတိုက်ခိုက်ရေးကွန်မန်ဒိုတပ်ဖွဲ့လေ့ကျင့်နေမှုများကို အနောက်ပိုင်းတိုင်းစစ်ဌာနချုပ် တပ်မဟာ(၇)၊ တပ်ရင်း – ၇၀၃က ယနေ့(ဇူလိုင် ၇ရက်)တွင် ထုတ်ပြန်သည်။
အာဏာရှင်စနစ်ကျဆုံးရေးအတွက် အဆုံးအစွန်ထိသွားရန် သန္ဓိဌာန်ချထားပြီးဖြစ်၍ ပြည်သူ များက ကွန်မန်ဒိုတပ်ဖွဲ့ကို ကူညီပေးကြရန်လည်း မေတ္တာရပ်ခံထားသည်။
ထို့အပြင် တိုက်ခိုက်ရေးကွန်မန်ဒိုတပ်ဖွဲ့၏ လေ့ကျင့်ရေးပစ္စည်းများကို မိဘပြည်သူများ၏ ပံ့ပိုးကူညီမှုဖြင့် ယခုလေ့ကျင့်မှုကို ဆောင်ရွက်နိုင်ခြင်းဖြစ်သည်ဟု အသိပေးသည်။
![ဓာတ်ပုံ - အနောက်ပိုင်းတိုင်းစစ်ဌာနချုပ် တပ်မဟာ(၇)၊ တပ်ရင်း - ၇၀၃](https://i0.wp.com/www.ludunwayoo.com/wp-content/uploads/2022/07/291565923_417985787057546_4566197060825790427_n.png?resize=880%2C587&ssl=1)
![ဓာတ်ပုံ - အနောက်ပိုင်းတိုင်းစစ်ဌာနချုပ် တပ်မဟာ(၇)၊ တပ်ရင်း - ၇၀၃](https://i0.wp.com/www.ludunwayoo.com/wp-content/uploads/2022/07/291794893_417985857057539_8706293448312759651_n.jpg?resize=880%2C587&ssl=1)
![ဓာတ်ပုံ - အနောက်ပိုင်းတိုင်းစစ်ဌာနချုပ် တပ်မဟာ(၇)၊ တပ်ရင်း - ၇၀၃](https://i0.wp.com/www.ludunwayoo.com/wp-content/uploads/2022/07/291394434_417985927057532_1287885706288347407_n.jpg?resize=880%2C587&ssl=1)
ပြည်သူပိုင်နေအိမ်များ မီးရှို့၊လုယက်ပြီး စစ်ကြောင်းထိုးသတ်ဖြတ်နေသော အကြမ်းဖက် စစ်ကောင်စီတပ်ကို ခုခံကာကွယ်ရန်အပါအဝင် စစ်ကောင်စီတပ်၏ စစ်စခန်းများ၊ မြို့သိမ်းတိုက်ပွဲများနှင့် အထူးစစ်ဆင်ရေးများကို ကွန်မန်ဒိုအထူးတပ်ဖွဲ့က ဆောင်ရွက်သွားမည်ဟု ဆိုသည်။
ချင်း၊မကွေးနှင့် စစ်ကိုင်းတိုင်းရှိ ဧရာဝတီမြစ် အနောက်ဘက်ခြမ်းဒေသများကို ကိုယ်စားပြုထားသည့် အနောက်ပိုင်းတိုင်းစစ်ဌာနချုပ်အနေဖြင့် ကွန်မန်ဒိုအထူးတပ်ဖွဲ့ကို ဇွန်လဆန်းပိုင်းကစ၍လေ့ကျင့်ပေးနေသည်ဟု တပ်ရင်း(၇၀၃)မှ တပ်ရင်းမှူးကိုစိုးမိုး အသိပေးသည်။
![ဓာတ်ပုံ - အနောက်ပိုင်းတိုင်းစစ်ဌာနချုပ် တပ်မဟာ(၇)၊ တပ်ရင်း - ၇၀၃](https://i0.wp.com/www.ludunwayoo.com/wp-content/uploads/2022/07/292173590_417985987057526_5995700432513710586_n.jpg?resize=880%2C587&ssl=1)
![ဓာတ်ပုံ - အနောက်ပိုင်းတိုင်းစစ်ဌာနချုပ် တပ်မဟာ(၇)၊ တပ်ရင်း - ၇၀၃](https://i0.wp.com/www.ludunwayoo.com/wp-content/uploads/2022/07/291839130_417986033724188_3510708061436214559_n.jpg?resize=880%2C587&ssl=1)
![ဓာတ်ပုံ - အနောက်ပိုင်းတိုင်းစစ်ဌာနချုပ် တပ်မဟာ(၇)၊ တပ်ရင်း - ၇၀၃](https://i0.wp.com/www.ludunwayoo.com/wp-content/uploads/2022/07/292435023_417986127057512_3728920634089519481_n.jpg?resize=880%2C587&ssl=1)
![ဓာတ်ပုံ - အနောက်ပိုင်းတိုင်းစစ်ဌာနချုပ် တပ်မဟာ(၇)၊ တပ်ရင်း - ၇၀၃](https://i0.wp.com/www.ludunwayoo.com/wp-content/uploads/2022/07/292131504_417986200390838_2771194876011445085_n.jpg?resize=880%2C587&ssl=1)
“ကျွန်တော်တို့မှာ လို အပ်ချက်များစွာရှိနေပါသေးတယ်။အဲဒါတွေအတွက် ပြည်သူလူထုက ကူညီပေးပါလို့ မေတ္တာရပ်ခံလိုပါတယ်”ဟု ကိုစိုးမိုးက ပြောသည်။
လက်ရှိ အနောက်ပိုင်းတိုင်စစ်ဒေသတွင် ဂန့်ဂေါခရိုင်တောင်ပိုင်းနှင့် မြောက်ပိုင်းတွင် စစ်ကောင် စီတပ်မှအင်အား ၃၀၀ဝန်းကျင်ဖြင့် စစ်ကြောင်း ထိုးလျက်ရှိပြီး ထိတွေ့တိုက်ပွဲများလည်း ဖြစ်ပွား နေသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)