စစ်ကိုင်းတိုင်း ယင်းမာပင်ခရိုင်တွင် အမျိုးသားညီညွတ်ရေးအစိုးရ(NUG)လက်အောက် ပညာရေးဝန်ကြီးဌာန၏ ဦးဆောင်မှုဖြင့် ဘက်စုံထူးချွန် ဆုပေးပွဲနှင့်ပညာရေး စုံညီပွဲတော်တို့ကို ယနေ့ (ဇွန်လ ၁၈)ကျင်းပပြုလုပ်ခဲ့သည်။
ယင်းမာပင်ခရိုင်တပ်ရင်း (၁)မှ စစ်ဘေးရှောင်ပြည်သူ များ၏ ကလေးသူငယ်များအား NUGမှ ချမှတ်ထားသည့် ကြားကာလပညာရေးမူအတိုင်း သင်ကြားပေးခဲ့ခြင်း ဖြစ်ပြီး ဘက်စုံထူးချွန်ဆုပေးပွဲနှင့် ပညာရေးစုံညီပွဲတော်ကိုလည်းပြည်သူလူထုများစွာဖြင့် အောင်မြင်စွာကျင်းပနိုင်ခဲ့ကြောင်း သိရသည်။
![ဓာတ်ပုံ - Nan Oo Hlaing Facebook](https://i0.wp.com/www.ludunwayoo.com/wp-content/uploads/2022/06/289092724_405069591682499_1892767692941626581_n.jpg?resize=880%2C587&ssl=1)
![ဓာတ်ပုံ - Nan Oo Hlaing Facebook](https://i0.wp.com/www.ludunwayoo.com/wp-content/uploads/2022/06/289243674_405069671682491_524166954551786792_n.jpg?resize=880%2C587&ssl=1)
![ဓာတ်ပုံ - Nan Oo Hlaing Facebook](https://i0.wp.com/www.ludunwayoo.com/wp-content/uploads/2022/06/289154999_405069695015822_4987223599723044677_n.jpg?resize=880%2C587&ssl=1)
![ဓာတ်ပုံ - Nan Oo Hlaing Facebook](https://i0.wp.com/www.ludunwayoo.com/wp-content/uploads/2022/06/289151918_405069715015820_394434037124264765_n.jpg?resize=880%2C660&ssl=1)
![ဓာတ်ပုံ - Nan Oo Hlaing Facebook](https://i0.wp.com/www.ludunwayoo.com/wp-content/uploads/2022/06/289186696_405069638349161_1931644786939408577_n.jpg?resize=880%2C1320&ssl=1)
“ယင်းမာပင်ခရိုင်မှာ ဒီလိုမျိုး ပညာရေးစုံညီပွဲတော်တွေတောင် ကျင်းပနိုင်တဲ့ အရမ်းဝမ်းသာမိပါတယ်။ ဒါက တော်လှန်ရေးရဲ့ အသီးအပွင့်တစ်ခုပါပဲ”ဟု ယင်းမာပင် – ဆားလင်းကြီး ရွာပေါင်းစုံသပိတ်ကော်မတီဝင် တစ်ဦးက လူမှုကွန်ရက်တွင် ရေးသားဖော်ပြထားသည်။
ပြီးခဲ့သည့် ဇွန်လ ၁၄ရက်ကလည်း စစ်ကိုင်းတိုင်း ယင်းမာပင်ခရိုင်တွင် NUGပညာရေးဝန်ကြီးဌာနက ဦးဆောင် ၍ မိုးရာသီအားကစားပြိုင်ပွဲကျင်းပခဲ့ပြီး NUG ကြား ပညာရေး စာသင်ကျောင်းများမှ ကျောင်းသား၊ ကျောင်း သူများနှင့် ပြည်သူများ ထောင်နှင့်ချီ၍ လာရောက် အားပေးခဲ့ကြသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)