●မိုးကောင်းမြို့ရှိရဲစခန်း၊တရားရုံး၊စသောစစ်ကောင်စီရုံးများတွင်ချိုင့်များ၊အထုပ်များကိုသေချာစွာစစ်ဆေးရန်စစ်ကောင်စီညွန်ကြား
ကချင်ပြည်နယ် မိုးကောင်းမြို့ စည်ပင်သာယာရုံးအား ဝါ ဆိုသင်္ကန်းကပ်မှဟုဆိုကာ ငါးဆင့်ချိုင့်တစ်လုံးပေးပို့ပြီး ဖောက်ခွဲတိုက်ခိုက်ခံလိုက်ရကြောင်း စစ်ကောင်စီလက် အောက်ခံ ရဲကြေးနန်းအရ သိရသည်။
ယင်းဖောက်ခွဲတိုက်ခိုက်မှုနှင့်ပတ်သက်ပြီး မိုးကောင်းမြို့ နယ် စည်ပင်ရုံးအတွင်း ထမင်းချိုင့်မှ တစ်ဆင့် ပေါ်ကွဲမှုဖြစ်ပေါ်သောကြောင့် စစ်ကောင်စီရဲတပ်ဖွဲ့ဝင်များအကြား ကြောက်လန့်မှုများဖြစ်ပေါ်လျှက်ရှိကြောင်း တပ်တွင်းသတင်းရင်းမြစ်များမှ ပြောကြား Myanmar Police CDM Channel – MPCC ကလည်း ဖော်ပြသည်။
ဖြစ်စဥ်မှာ ဇူလိုင် ၁၅ ရက်နေ့ နံနက် ၉ နာရီ ၂၀မိနစ်ခန့်တွင် Mask တပ်ထားသူတစ်ဦး မြို့နယ်စည်ပင်ရုံးထဲဝင်ရောက်လာပြီး စည်ပင်လက်ထောက်ညွှန်မှူး AD ဦးမျိုးသန့်ဇင်ထံ ဝါဆိုသင်္ကန်းကပ်မှဟုဆိုကာ စတီးငါးဆင့်ချိုင့်တစ်လုံးအား ရုံးဝန်ထမ်းဒေါ်လှစုစံမှတဆင့် ပေးပို့လာခြင်းဖြစ် ကြောင်း ဖော်ပြသည်။
ထို့နောက် ရုံးဝန်ထမ်းက AD ဦးသန့်ဇင်အားဆက်သွယ်ပြီး အကျိုးအကြောင်းပြောပြရာ ၎င်းနှင့် ဆက်သွယ်ထားသည့် ဝါဆိုသက်န်းကပ်မရှိကြောင်း၊ ထိုချိုင့်မှာအန္တရာယ်ရှိနိုင်ကြောင်းပြောသဖြင့် တာဝန်ကျဝန်ထမ်း ဦးဖြိုးကိုကိုမှ ချိုင့်အားဖွင့်ကြည့်ရာ ဝါယာကြိုးများတွေ့ရှိ၍ ထွက်ပြေးစဥ် ပေါက်ကွဲမှုဖြစ်ပွားခဲ့ခြင်းဖြစ်သည်ဟု ကြေးနန်းတွင် ဖော် ပြသည်။
ယင်းပေါက်ကွဲမှုဖြစ်စဥ်ကြောင့် မိုးကောင်းမြို့ရှိ ရုံးဌာနများနှင့် ရဲစခန်းတို့တွင် လုံခြုံရေးကျိုးပေါက်မှုမရှိစေရေးအပါအဝင် ရဲစခန်း၊ တရားရုံးစသည်တို့၌ ဧည့်တွေ့လာရောက်ခြင်း၊ ပါဆယ်ပို့ခြင်း၊ ချိုင့်နှင့် အထုပ်အပိုးများပို့ခြင်းကို သေချာစစစ်ရန်နှင့် မသက်ာပါက ဖမ်းဆီးစစ်ဆေးရန် စစ်ကောင်စီအဆင့်ဆင့်က ညွှန်ကြားထားသည်ဟု အထက်ပါရဲကြေးနန်းက ဆိုသည်။
