အမေရိကန်နိုင်ငံ ကယ်လီဖိုးနီးယားပြည်နယ် ဆန်ဖရန်စစ္စကိုမြို့တွင် ယမန်နေ့ (ဇူလိုင် ၁၆) ၌ Free Burma Action Committe-San Francisco အဖွဲ့မှ ဦးဆောင်၍ မြန်မာနိုင်ငံသားများပူးပေါင်းပြီး အာဇာနည်နေ့ အထိမ်းအမှတ် အဖြစ် လူထုသပိတ်ကျင်းပပြုလုပ်ခဲ့ကြသည်။
အဆိုပါ လူထုသပိတ်ကို “(၆၈)ကြိမ်မြောက် အလံမလိပ် အသံမတိတ် ဆန်ဖရန်သပိတ်တိုက်ပွဲ” ခေါင်းစဥ်ဖြင့် ဆန်ဖရန်စစ္စကိုမြို့ City Hall ရှေ့တွင် ကျင်းပခဲ့သည်။
![ဓာတ်ပုံ - Gary Rocchio](https://i0.wp.com/www.ludunwayoo.com/wp-content/uploads/2022/07/293754402_425236872999104_2811491115793921471_n.jpg?resize=880%2C587&ssl=1)
ပြည်ပရောက်မြန်မာများက “ဖက်ဆစ်စစ်တပ် အမြစ်ဖြတ်” ၊ “PDF ကို အားဖြည့်ပေး စစ်အစိုးရဖြုတ်ချရေး” စသည့် စာတန်းများ ကိုင်ဆောင်ပြီး NUG အစိုးရကိုထောက်ခံအားပေးကြောင်းနှင့် အကြမ်းဖက် စစ်အာဏာရှင်ကို ဆန့်ကျင်ကြောင်း ဆန္ဒထုတ်ဖော်ခဲ့ကြသည်။
![ဓာတ်ပုံ - Gary Rocchio](https://i0.wp.com/www.ludunwayoo.com/wp-content/uploads/2022/07/294007864_425236979665760_4472520993951772096_n.jpg?resize=880%2C587&ssl=1)
ထို့နောက် သူ့ကျွန်ဘဝကလွတ်မြောက်ရန် တိုက်ပွဲဝင်ရင်း ကျဆုံးခဲ့ကြသည့် အာဇာနည် ခေါင်းဆောင်ကြီးများနှင့် ယခုလက်ရှိ စစ်ကျွန်ဘဝက လွတ်မြောက်ရန် တိုက်ပွဲဝင်ရင်းကျဆုံးခဲ့ကြသည့် အာဇာနည်များကိုလည်း ဦးညွှတ်အလေးပြုခဲ့ကြသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)