ဂျပန်အစိုးရကို ဂျပန်ရောက်မြန်မာအင်အားစုများက ဇူလိုင် ၂၄ ရက်တွင် ဆန္ဒပြ တောင်းဆိုမည် ဖြစ်ပြီး ပြည်တွင်းနှင့် နိုင်ငံတကာမှ တော်လှန်ပြည်သူများကလည်း ပူးပေါင်းပါဝင်ရန် တက်ကြွ လှုပ်ရှားသူများက တောင်းဆိုထားသည်။
ဂျပန်ဝန်ကြီးချုပ်ဟောင်း ရှင်ဇိုအာဘေး၏ နာရေးသို့ လူမျိုးတုန်းသတ်ဖြတ်သည့်စစ်ခေါင်းဆောင် မင်းအောင်လှိုင်အား ဖိတ်ကြားခြင်းမပြုရန်နှင့် အကြမ်းဖက်စစ်ကောင်စီနှင့်ပတ်သက်ခြင်းမပြု ရန် ဂျပန်ရောက်မြန်မာအင်အားစုများက မြို့အသီးသီး၌ ဆန္ဒပြတောင်းဆိုကြမည်ဖြစ်သည်။
အကြမ်းဖက်စစ်အုပ်စုအား လုံးဝအသိအမှတ်မပြုရန် ဂျပန်အစိုးရကို တောင်းဆိုမည့် လှုပ်ရှားမှုတွင် ပြည်သူတစ်ဦးချင်းစီ၏ ပါဝင်မှု အသံများ လိုအပ်နေပြီး ဖေ့စ်ဘုတ် ပရိုဖိုင်ချိန်းခြင်းနှင့် အွန် လိုင်း ဓာတ်ပုံကမ်ပိန်းများ၌ ပါဝင်ရန် တိုက်တွန်းထားသည်။
လာမည့် ဇူလိုင် ၂၄ရက်တွင် မိမိတို့၏ ဆိုရှယ်မီဒီယာ(FB, Twitter, Instagram) အကောင့်မှ
‘Japanese Government – Stop complicity with criminal junta!’၊ ‘Japanese Government – Don’t let the genocidal junta attend Abe’s funeral!’၊ ‘Japanese Government – Stop ODA!’၊ ‘Japanese Government – Respect the wishes of Myanmar people!’၊ ‘ဂျပန်အစိုးရအနေနဲ့ မြန်မာပြည်သူတွေရဲ့ ဆန္ဒကိုလေးစားပါ’ စသည့်စာသားများကို ရေးသားရန် တိုက်တွန်းထားသည်။
