ရန်ကုန်မြို့ ကမာရွတ်မြို့နယ် လှည်းတန်းခုံးကျော်တံတားတွင် ယနေ့ (ဇူလိုင် ၁၉) အာဇာနည်နေ့ကို ဂုဏ်ပြုသောအားဖြင့် ဗမာ့လူငယ်ကွန်ရက် (ဗလက) မှ တော်လှန်လူငယ်များက စစ်အာဏာရှင် ဆန့်ကျင်ရေး စာတန်းအား ရေးသား၍ ဆန္ဒထုတ်ဖော်ခဲ့ကြသည်။
လူငယ်များက “အာဇာနည်မျိုး သေရိုးမရှိ” ဟူသော စာသားကို လှည်းတန်းခုံးတံတားဘေးတွင် ဆေးအနီဖြင့် ရေးသား၍ စစ်အာဏာရှင်ကို ဆန့်ကျင်ကြောင်း ဆန္ဒပြလှုပ်ရှားမှု ပြုလုပ်ခဲ့ကြသည်။
![ဓာတ်ပုံ - ဗမာ့လူငယ်ကွန်ရက်](https://i0.wp.com/www.ludunwayoo.com/wp-content/uploads/2022/07/294565343_426608949528563_3718995642982828525_n.jpg?resize=880%2C495&ssl=1)
ယနေ့တွင် ရန်ကုန်မြို့၌ အကြမ်းဖက် စစ်ကောင်စီဝင်များက လှည့်ကင်းကားများ တင်းကြပ်စွာ လှည့်လည်နေသော်လည်း လူငယ်များက ပုံစံမျိုးစုံဖြင့် အာဇာနည်နေ့ ဂုဏ်ပြုအထိမ်းအမှတ် ဆန္ဒပြခဲ့ကြသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)