အာဆီယံဥက္ကဋ္ဌအနေနဲ့ မေတ္တာရပ်ခံနေတဲ့ကြားက အတိုက်အခံတက်ကြွလှုပ်ရှားသူတွေကို ကွပ်မျက်လိုက်တဲ့ စစ်ကောင်စီရဲ့လုပ်ရပ်ဟာ အလွန်အမင်းစိတ်ပျက်စရာကောင်းတယ်လို့ ကမ္ဘောဒီးယားဝန်ကြီးချုပ်ဟွန်ဆန်က ကြေညာချက်ထုတ်လိုက်ပါတယ်။
၅၅ ကြိမ်မြောက် အာဆီယံနိုင်ငံခြားရေးဝန်ကြီးအစည်းအဝေးမတိုင်ခင် စစ်ကောင်စီရဲ့သေဒဏ်စီရင်တဲ့လုပ်ရပ်ဟာ မြန်မာ့အရေးဖြေရှင်းဖို့ ကြိုးပမ်းနေတဲ့အာဆီယံ ရဲ့ကြိုးပမ်းမှုတွေကိုနောက်ပြန်ဆုတ်စေတယ်လို့လည်း ဟွန်ဆန်က ပြောပါတယ်။
ဒါအပြင် စစ်ကောင်စီဟာ အာဆီယံဘုံသဘောတူညီချက် ၅ ချက်ကို အကောင်အထည်ဖော်ဖို့ စိတ်ဆန္ဒကင်းမဲ့နေတာကိုပြသနေတယ်လို့ဟွန်ဆန်က ဆိုပါတယ်။
ကိုဂျင်မီ၊ကိုဇေယျာသော်၊ ကိုလှမျိုးအောင်၊ကိုအောင်သူရဇော်တို့ကိုကွပ်မျက်လိုက်တဲ့အပေါ် ပြည်တွင်း ပြည်ပ က စစ်ကောင်စီကို ကန့်ကွက်ရှုတ်ချနေကြပါတယ်။
