ကရင်အမျိုးသားအစည်းအရုံး(KNU) တပ်မဟာ(၅) နယ်မြေ ဖာပွန်ခရိုင် ရှေ့တန်းနယ်မြေရှိ စစ်ကောင်စီတပ်သား ပြည့်ဖြိုးအောင်သည် လက်နက်နှင့်အတူ အလင်းဝင်လာကြောင်း KNU တပ်မဟာ(၅)က ယနေ့ညတွင် သတင်းထုတ်ပြန်သည်။
အဆိုပါ စစ်ကောင်စီတပ်သားသည် ဇူလိုင် ၉ရက်က အလင်းဝင်လာခြင်းဖြစ်သည်ဟု ဆိုသည်။
တပ်သားပြည်ဖြိုးအောင်သည် ဖာပွန်ခရိုင် ခူးသူးထာ၊ မယ်ဝေ(မဲဝိုင်) အတွင်း ထောက်ပို့ရိက္ခာ သယ်ယူပို့ဆောင်နေသူ ဖြစ်ကြောင်း၊ ၎င်းတွင် MA-3 တစ်လက်နှင့် ကျည် ၇၀ တောင့်ပါရှိကြောင်း ဖော်ပြထားသည်။
ယခင်ကလည်း ဖာပွန်ခရိုင်ရှေ့တန်းစစ်မြေပြင်မှ တပ်သားများ KNU တပ်မဟာ(၅)ထံ လက်နက်နှင့် အတူ လာရောက်ပူးပေါင်းမှုများရှိခဲ့သည်။ အလားတူ KNU တပ်မဟာနယ်မြေများ၌လည်း စစ်ကောင်စီလက်အောက်မှရုန်းထွက်ပြီး ပြည်သူနှင့်အတူ ပူးပေါင်းလာသည့် စစ်ကောင်စီတပ်သားအများအပြားရှိသည်။
