အကြမ်းဖက်စစ်ကောင်စီတပ်၏ အဓိကစီးပွားရေးထောက်တိုင်တစ်ခုဖြစ်သော Mytel တာဝါတိုင်တစ်ခုကို ယမန်နေ့(ဇူလိုင် ၂၇)ရက်ညပိုင်းက ဖောက်ခွဲဖျက်ဆီးခဲ့ကြောင်း မြို့ပြပြောက်ကျားတပ်ဖွဲ့ – တွံတေးက ထုတ်ပြန်သည်။
ယမန်နေ့ည ၈ နညရီ ၂၀ ခန့်က တွံတေးမြို့ ကျုံလမုကျေးရွာရှိ အကြမ်းဖက်စစ်ကောင်စီ၏ စီးပွားရေးထောက်တိုင်ဖြစ်သော Mytel တာဝါတိုင်အား ဖောက်ခွဲဖျက်ဆီးခဲ့ကြောင်း ဖော်ပြသည်။
“Mytel ဆက်သွယ်ရေးလုပ်ငန်းမှ နေ့စဉ်အကျိုးအ မြတ်များစွာရရှိလျှက် ၎င်းငွေကြေးဖြင့် အာဏာရှင်သက်ဆိုးရှည်စေရန် အသက်ဆက်နေသဖြင့်ယခုလိုဖောက်ခွဲဖျက်ဆီးရခြင်းဖြစ်သည်” ဟု ပြောက်ကျားတပ်ဖွဲ့ – တွံတေးက အသိပေးသည်။
အထက်ပါ ကျုံလမုကျေးရွာရှိ အကြမ်းဖက်စစ်ကောင်စီ၏ စီးပွားရေးထောက်တိုင်ဖြစ်သော Mytel တာဝါတိုင်အား မိုင်းခွဲခြင်း၊ မီးရှို့ဖျက်ဆီးခြင်းတို့ကို ဆောင်ရွက်ခဲ့ခြင်းကြောင်း ထုတ်ပြန်ထားသည်။
မြို့ပြပြောက်ကျားတပ်ဖွဲ့ – တွံတေးသည် စစ်ကောင်စီတပ်နှင့် ၎င်း၏ထောက်တိုင်များဖြစ်သော ပြည်သူ့စစ်၊ ပျူတောထီး၊ အုပ်ချုပ်ရေးအဖွဲ့ဝင်များ စသည့် စစ်ရေးပစ်မှတ်များကို အစဥ်တဆိုက် တိုက်ခိုက်မှုများလုပ် ဆောင်နေသည့် တော်လှန်ရေးအဖွဲ့အစည်းတစ်ခု ဖြစ်သည်။
