ဒေသတွင်းနယ်မြေ မတည်ငြိမ်မှုများ ရှိနေသော်လည်း စစ်ကိုင်းတိုင်း ယင်းမာပင်ခရိုင် ပုလဲမြို့နယ်ရှိ ကျေးရွာတစ်ရွာတွင် တော်လှန်ပြည်သူများ ပူးပေါင်း၍ ယနေ့ (ဇူလိုင် ၃၀) ညနေပိုင်း၌ စစ်အာဏာရှင်ဆန့်ကျင်ရေး လူထုအင်အားအများအပြားဖြင့် ချီတက်ဆန္ဒပြခဲ့ကြသည်။
ပြည်သူများက “အဆုံးထိတိုက်ဖို့ သစ္စာပြုကြ အောင်ပွဲဝင်ဖို့ အားကုန်ရုန်းကြ” ဆိုသည့် စာသားကို ကိုင်ဆောင်၍ “ငါတို့အားလုံး ကိုဂျင်မီ ၊ ငါတို့အားလုံး ကိုဖြိုးဇေယျာသော် ၊ ငါတို့အားလုံး ကိုလှမျိုးအောင်၊ ငါတို့အားလုံး ကိုအောင်သူရဇော်” ဟု ကြွေးကြော်၍ ဆန္ဒပြသပိတ်မှောက်ခဲ့သည်။
![ဓာတ်ပုံ - ပုလဲလူထုသပိတ်တိုက်ပွဲ ဦးဆောင်ကော်မတီ](https://i0.wp.com/www.ludunwayoo.com/wp-content/uploads/2022/07/296733462_434040438785414_3144005535027335300_n.jpg?resize=880%2C561&ssl=1)
![ဓာတ်ပုံ - ပုလဲလူထုသပိတ်တိုက်ပွဲ ဦးဆောင်ကော်မတီ](https://i0.wp.com/www.ludunwayoo.com/wp-content/uploads/2022/07/296391433_434040518785406_5908915183279566076_n.jpg?resize=880%2C660&ssl=1)
![ဓာတ်ပုံ - ပုလဲလူထုသပိတ်တိုက်ပွဲ ဦးဆောင်ကော်မတီ](https://i0.wp.com/www.ludunwayoo.com/wp-content/uploads/2022/07/296764941_434040432118748_5716080659022450386_n.jpg?resize=880%2C660&ssl=1)
“ကျွန်တော်တို့ပုလဲပြည်သူတွေဟာ အကြမ်းဖက်စစ်ကောင်စီက ဘယ်လောက်ဖိနှိပ်ရက်စက်ပြပြ ဖက်ဒရယ်ပြည်ထောင်စုဆီကို အရောက်သွားမှာဖြစ်ပြီး အခုလို စစ်အာဏာရှင်ဆန့်ကျင်ရေးလှုပ်ရှားမှုတွေ ဆက်တိုက်ပြုလုပ်သွားမှာ ဖြစ်ပါတယ် ” ဟု သပိတ်ဦးဆောင်သူက တိုက်တွန်းနှိုးဆော်ခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)