အင်အားရာနှင့်ချီ ချီတက်ဆန္ဒပြခဲ့သည့် မြင်းမူနယ် ကျေးရွာလူထုသပိတ်

▪️ဒေသခံ PDFများက ဆန္ဒပြည်သူများ၏ လုံခြုံရေး ဝန်းရံပေးခဲ့

စစ်ကိုင်းတိုင်း မြင်းမူမြို့နယ်အတွင်း ကျေးရွာတစ်ရွာတွင် ယနေ့ (ဇွန်လ ၂၀) ညနေပိုင်း၌ လူထုခေါင်းဆောင်ဒေါ်အောင်ဆန်းစုကြည်၏ (၇၇)နှစ်မြောက်မွေးနေ့ အထိမ်းအမှတ်အဖြစ် စစ်အာဏာရှင်ဆန့်ကျင်ရေး လူအင်အားထောင်နှင့်ချီ၍ ကျေးရွာလူထုသပိတ်စစ်ကြောင်း ချီတက်ဆန္ဒပြခဲ့သည်။

ဆန္ဒပြပြည်သူများက “အာဏာရှင်တွေ ကြောက်တဲ့ ရဲရဲတောက် ပြည်သူလူထု”ဆိုသည့် စာသားပါ ဗီနိုင်း ကိုင်ဆောင်၍ အကြမ်းဖက်ဖက်ဆစ်စစ်တပ် အမြစ်ဖြတ်ချေမှုန်းရေး လူထုကြွေးကြော်သံများဖြင့်ချီတက်သပိတ်မှောက်ခဲ့သည်။

ယင်းသပိတ်တွင် ရွာပင်မသပိတ်ကော်မတီ အဖွဲ့ဝင်များ၊ အရာတော်မြို့နယ်လူထုသပိတ် ဦးဆောင်ကော်မတီများ ပူးပေါင်းဝန်းရံကာ သပိတ်တရားဟောပြောခဲ့ကြသည်။

အဆိုပါ သပိတ်စစ်ကြောင်းတွင် ဆန္ဒပြပြည်သူများ၏ လုံခြုံရေးအတွက် ဒေသခံပြည်သူ့ကာကွယ်ရေးတပ်ဖွဲ့များက ကာကွယ်စောင့်ရှောက်၍ လိုက်ပါဝန်းရံပေးခဲ့သည်။