ယနေ့ (ဇွန်လ ၁၉)ကျရောက်သည့် လူထုခေါင်းဆောင် ဒေါ်အောင်ဆန်းစုကြည် မွေးနေ့အထိမ်းအမှတ်အဖြစ် စစ်ကိုင်းတိုင်းအတွင်းရှိ ယင်းမာပင်-ဆားလင်းကြီး မြောက်ခြမ်း၊ ပုလဲ၊ ကနီ၊ ကလေးနှင့် ခင်ဦးမြို့နယ်တို့တွင် ဒေသခံပြည်သူများက စစ်အာဏာရှင် ဆန့်ကျင်ရေး အင်အားအများအပြားဖြင့် ချီတက်ဆန္ဒပြခဲ့သည်။
![ဒေါ်အောင်ဆန်းစုကြည် မွေးနေ့အဖြစ် ချီတက်ဆန္ဒပြ](https://i0.wp.com/www.ludunwayoo.com/wp-content/uploads/2022/06/289375520_405753754947416_9013340383192777963_n.jpg?resize=880%2C609&ssl=1)
ယနေ့ နံနက်ပိုင်းတွင် ကနီမြို့နယ်၌ သပိတ်ကော်မတီဝင်များက ဦးဆောင်၍ ဒေါ်အောင်ဆန်းစုကြည် မွေးနေ့ဆုတောင်းပွဲနှင့် စစ်အာဏာရှင် ဆန့်ကျင်ရေး ဆန္ဒပြပွဲတို့ကို လုပ်ဆောင်ခဲ့ကြပြီး၂၀၀၈ ခြေဥအလံကို မီးရှို့ဆန္ဒပြခဲ့ကြသည်။
ထို့အပြင် ခင်ဦးမြို့နယ်ရှိ သပိတ်ကော်မတီဝင် ပြည်သူများကလည်း ဒေါ်အောင်ဆန်းစုကြည်၏ မွေးနေ့ အထိမ်းအမှတ်အဖြစ် ဘုရားသို့ သွားရောက်၍ မွေးနေ့ရှင် အမေစုသက်ရှည်ကျန်းမာစေရန်နှင့် အမြန်ဆုံး လွတ်မြောက်စေရန် ဆုတောင်းမေတ္တာပို့သခြင်း ပြုလုပ်ခဲ့ကြသည်။
![ဒေါ်အောင်ဆန်းစုကြည် မွေးနေ့အဖြစ် ချီတက်ဆန္ဒပြ](https://i0.wp.com/www.ludunwayoo.com/wp-content/uploads/2022/06/289095714_405753384947453_8831812166911143661_n.jpg?resize=880%2C587&ssl=1)
![ဒေါ်အောင်ဆန်းစုကြည် မွေးနေ့အဖြစ် ချီတက်ဆန္ဒပြ](https://i0.wp.com/www.ludunwayoo.com/wp-content/uploads/2022/06/287708863_405753478280777_6573864368212456170_n.jpg?resize=800%2C360&ssl=1)
![ဒေါ်အောင်ဆန်းစုကြည် မွေးနေ့အဖြစ် ချီတက်ဆန္ဒပြ](https://i0.wp.com/www.ludunwayoo.com/wp-content/uploads/2022/06/289241743_405753814947410_6304878784619549969_n.jpg?resize=880%2C587&ssl=1)
![ဒေါ်အောင်ဆန်းစုကြည် မွေးနေ့အဖြစ် ချီတက်ဆန္ဒပြ](https://i0.wp.com/www.ludunwayoo.com/wp-content/uploads/2022/06/289239754_405753851614073_8097690329195272708_n.jpg?resize=880%2C586&ssl=1)
ညနေပိုင်း၌ ယင်းမာပင်-ဆားလင်းကြီး မြောက်ခြမ်း၊ ပုလဲ၊ ကလေးမြို့နယ်တို့တွင် တော်လှန်ပြည်သူများ စုပေါင်း၍ “ငါတို့အားလုံးအကျဉ်းသား အာဏာရှင်ရင်ဝကိုထိုးစိုက်မဲ့ သံမဏိဓား” ဆိုသည့် စာသားနှင့် ဒေါ်အောင်ဆန်းစုကြည်ပုံတို့ကို ကိုင်ဆောင်ပြီး စစ်ကောင် စီ၏ မတရားဖမ်းဆီးခံထားရသူများ၊ ကျောင်းသားပြည်သူများနှင့်အတူ ရပ်တည်ကြောင်း ပြသခဲ့ကြသည်။
![ဒေါ်အောင်ဆန်းစုကြည် မွေးနေ့အဖြစ် ချီတက်ဆန္ဒပြ](https://i0.wp.com/www.ludunwayoo.com/wp-content/uploads/2022/06/289182766_405753784947413_2016555942223897716_n.jpg?resize=880%2C660&ssl=1)
ယနေ့တွင် လူထုခေါင်းဆောင် ဒေါ်အောင်ဆန်းစုကြည်၏ မွေးနေ့အတွက် ပြည်တွင်း၊ ပြည်ပရောက် နိုင်ငံသားများ၊ တော်လှန်ရေးအင်အားစုများ၊ တော်လှန်ရေးတပ်ဖွဲ့များက နည်းလမ်းမျိုးစုံဖြင့် မွေးနေ့ဆုတောင်းခြင်းများကို ပြုလုပ်ပေးခဲ့ကြသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)