မကွေးတိုင်း မြိုင်မြို့နယ်အတွင်းရှိ ကျေးရွာတစ်ရွာတွင် ယမန်နေ့ (ဇူလိုင် ၃၁) စစ်အာဏာရှင်တော်လှန်ရေး သပိတ်စစ်ကြောင်းအပြီး၌ ဒေသခံ ပြည်သူများက ငွေသားများအပြင် ၎င်းတို့ ဝတ်ဆင်လာကြသော ရွှေနားဆွဲများ ၊ ရွှေနားကပ်များနှင့် ရွှေလက်စွပ် လက်ဝတ်ရတနာများကိုပါ ချွတ်၍ ဒေသခံကျေးရွာကာကွယ်ရေးအဖွဲ့(PDF)များနှင့် ကြားကာလပညာရေး ဖော်ဆောင်လျက်ရှိ သော ပြည်သူ့အခြေပြုကျောင်းတစ်ကျောင်းအတွက် ကူညီထောက်ပံ့ခဲ့ကြသည်။
![ဓာတ်ပုံ - BEGSC](https://i0.wp.com/www.ludunwayoo.com/wp-content/uploads/2022/08/296253607_435124052010386_6376599236613529940_n.jpg?resize=815%2C960&ssl=1)
နားကပ်နှင့် နားဆွဲစုစုပေါင်း(၃၂)စုံ ၊ လက်စွပ်(၄)ကွင်းနှင့် ငွေသားစုစုပေါင်း ၄သိန်း၃သောင်းကျပ် တိတိကို ကူညီထောက်ပံ့ခဲ့ကြကြောင်း မြိုင်မြို့နယ်အခြေခံပညာအထွေထွေသပိတ်ကော်မတီ BEGSC က ဖော်ပြခဲ့သည်။
“အကြမ်းဖက်စစ်အုပ်စုက ကျေးရွာများကို မီးရှို့ဖျက်ဆီးနေသည့်အပြင် အပြစ်မဲ့ပြည်သူများကို ရက်ရက်စက်စက် ဖမ်းဆီးသတ်ဖြတ်ကာ ပြည်သူလူထု ကို ကြောက်စိတ်ဝင်လာရန် နည်းမျိုးစုံဖြင့် ကြိုးစားနေသည့်ကြားကပင် စစ်မှန်သော တော်လှန်ရေးစိတ်ဓာတ်အပြည့်ဖြင့် တော်လှန်ရေး အတွက် ကျရာကဏ္ဍကနေ နိုင်ရာတာဝန်ထမ်းပြီး သမိုင်းပေးတာဝန်ကို ကျေပွန်စွာထမ်းဆောင် နေကြသော ပြည်သူလူထုတစ်ရပ်လုံးအား ကျွန်ုပ်တို့ ကော်မတီမှ လေးလေးစား ဦးညွတ်ဂါရဝပြုအပ်ပါသည် “ဟု BEGSC က ဆိုသည်။
![ဓာတ်ပုံ - BEGSC](https://i0.wp.com/www.ludunwayoo.com/wp-content/uploads/2022/08/295500255_435124358677022_294992015025808746_n.jpg?resize=880%2C633&ssl=1)
![ဓာတ်ပုံ - BEGSC](https://i0.wp.com/www.ludunwayoo.com/wp-content/uploads/2022/08/296582675_435124435343681_8518959356180364452_n.jpg?resize=880%2C699&ssl=1)
![ဓာတ်ပုံ - BEGSC](https://i0.wp.com/www.ludunwayoo.com/wp-content/uploads/2022/08/295206979_435124512010340_5625539234799977393_n.jpg?resize=880%2C721&ssl=1)
![ဓာတ်ပုံ - BEGSC](https://i0.wp.com/www.ludunwayoo.com/wp-content/uploads/2022/08/296324097_435124582010333_7711720097875789246_n.jpg?resize=880%2C676&ssl=1)
ထိုကဲ့သို့ လှူဒါန်းမှုဖြင့်ပတ်သက်ပြီး မိမိတို့ ပိုင်ဆိုင်သည့် နားကပ်နှင့် လက်စွပ်များပါ ချွတ်ပြီး ထောက်ပံ့ကြသည့် အညာသူ၊ အညာသားများ၏ တော်လှန်ရေးစိတ်ဓာတ်ကို လေးစားမိကြောင်း ပြည်သူတစ်ဦးက လူမှုကွန်ရက် ၌ မှတ်ချက်ပြုရေးသားခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)