ချင်းလက်နက်ကိုင်တပ်ဖွဲ့နှင့် စစ်ကောင်စီတို့ယမန်နေ့က ထိတွေ့တိုက်ပွဲ သုံးကြိမ်ဖြစ်ပွားခဲ့ပြီး စစ်ကောင်စီတပ်ကသေဆုံးထိခိုက်ရှိခဲ့ကြောင်းချင်းအမျိုးသားတပ်ဦး(CNF) ပြောရေးဆိုခွင့်ရှိသူဆလိုင်းထက်နီကပြောကြားသည်။
ဩဂုတ် ၅ရက်က ဟားခါး – ထန်တလန်ကြား သီမစ်ချောင်းအနီးတဝိုက်တိုက်ပွဲများဖြစ်ပွားခဲ့ပြီး ဟားခါး – ဂန့်ဂေါလမ်းတွင်လည်းတိုက်ပွဲဖြစ်ခဲ့ကြောင်း The Chin Journal က ဖော်ပြထားသည်။
“၅ရက်နေ့မှာ ထိတွေ့မှု၃ကြိမ်ဖြစ်၊ စကစ၁၂ ကျ ၈ဒဏ်ရာရ”ဟု ဆလိုင်းထက်နီက တိုက်ပွဲသတင်းအခြေအနေ အကျဉ်းကို စာဖြင့်ဖြေကြားပေးသည်။
စစ်ကောင်စီတပ်သည် ဟားခါးနှင့်ထန်တလန်ကြားသို့ဇူလိုင် ၂၉ရက်က စတင်ပြီး ထိုးစစ်ဆင် လျက်ရှိရာ ချင်းအမျိုးသားတပ်မတော်(CNA)၊ချင်းကာကွယ်ရေးတပ်(CDF) ပူးပေါင်းတပ်များက ခုခံတိုက်ခိုက်လျက်ရှိရာတိုက်ပွဲများ မကြာခဏဖြစ်ပွားခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)