ထောင်တွင်းအစာငတ်ခံဆန္ဒပြသူများကို တရားလက်လွတ်သတ်ဖြတ်နိုင်မှုများ မပြုလုပ်နိုင်ရေး နိုင်ငံတကာက စစ်အုပ်စုကို အမြန်ဆုံးစုံစမ်းမေးမြန်းကာ ထိရောက်သောဖိအားပေးရန် အမျိုးသားညီညွတ် ရေးအတိုင်ပင်ခံကောင်စီ(NUCC)က တိုက်တွန်းလိုက်သည်။
အကြမ်းဖက်စစ်အုပ်စုက နိုင်ငံရေးအကျဉ်းသားများအပေါ် သေဒဏ်စီရင်ခြင်းကို ဆန့်ကျင်သည့် ထောင်တွင်းအစာငတ်ခံဆန္ဒပြခြင်းများနှင့်ပတ်သက်၍ NUCC က ထုတ်ပြန်တိုက်တွန်းခဲ့ခြင်းဖြစ် သည်။
လက်ရှိတွင် အင်းစိန်ထောင်နှင့် အိုးဘိုထောင်အပါအဝင် ထောင်အများစု၌ နိုင်ငံရေးအကျဉ်းသားများအပေါ် သေဒဏ်စီရင်နေခြင်းကို ဆန့်ကျင်သည့် အစာငတ်ခံဆန္ဒပြခြင်းများရှိနေပြီး အကြမ်း ဖက်စစ်အုပ်စုက အစာငတ်ခံဆန္ဒပြသည့် နိုင်ငံရေးအကျဉ်းသားများကို အကြမ်းဖက်ရိုက်နှက်ခြင်း၊ တိုက်ပိတ်ခြင်းများဆောင်ရွက်နေသည့်အတွက် အစာငတ်ခံဆန္ဒပြသူများ၏ အသက်အန္တရာယ်မှာ စိုးရိမ်ဖွယ်ရာဖြစ်နေကြောင်း NUCC က ထုတ်ပြန်သည်။
![NUCC](https://i0.wp.com/www.ludunwayoo.com/wp-content/uploads/2022/08/298162619_439453971577394_785494486278674141_n.jpg?resize=880%2C1246&ssl=1)
![NUCC](https://i0.wp.com/www.ludunwayoo.com/wp-content/uploads/2022/08/298100472_439453998244058_1721356077262660151_n.jpg?resize=880%2C1246&ssl=1)
ထို့အတွက် အကြမ်းမဖက်ဆန္ဒပြခြင်းဖြစ်သည့် ထောင်တွင်း အစာငတ်ခံဆန္ဒပြလှုပ်ရှားမှုများနှင့် အတူ ဖက်ဒရယ်ဒီမိုကရေစီအရေး ဆောင်ရွက်နေသူများအပေါ် တရားလက်လွတ်သတ်ဖြတ်မှုများ မပြုလုပ်နိုင်ရေးအတွက် နိုင်ငံတကာအသိုင်းအဝန်းက စစ်အုပ်စုကို အမြန်ဆုံးစုံစမ်းမေးမြန်း၍ ထိရောက်သောဖိအားပေးမှုများလုပ်ဆောင်ပေးရန် အလေးအနက်တိုက်တွန်း သည်။
NUCC သည် နိုင်ငံရေးအကျဉ်းသားများအပေါ် သေဒဏ်စီရင်နေခြင်းကို ဆန့်ကျင်သည့် ရန်သူ့လက်အတွင်း(ထောင်တွင်း) အစာငတ်ခံဆန္ဒပြနေသော နိုင်ငံရေးအကျဉ်းသားအား လုံး၏ တော်လှန်ရေးယုံကြည်ချက်နှင့် စိတ်ပိုင်းဖြတ်မှုကို လေးစားဦးညွတ်ဂုဏ်ပြုကြောင်းလည်း ဖော်ပြသည်။
![အိုးဖိုထောင်ကို Google Map တွင်တွေ့ရစဥ်](https://i0.wp.com/www.ludunwayoo.com/wp-content/uploads/2022/08/298033478_439453918244066_131296561755821386_n.jpg?resize=880%2C634&ssl=1)
ထို့အပြင် ထောင်တွင်းတိုက်ပွဲများကို နည်းလမ်းပေါင်းစုံဖြင့် အားပေးဝန်းရံသွားမည်ဖြစ်ပြီး တိုင်းရင်းသားပြည်သူလူထုတရပ်လုံး စစ်အာဏာရှင်စနစ်အောက်မှ အမြန်ဆုံးလွတ်မြောက်ရေးနှင့် ဖက်ဒရယ်ဒီမိုကရေစီပြည်ထောင်စုတည်ဆောက်ရေးအတွက် အားသွန်ခွန်စိုက်ဆထက်ထမ်းပိုး ဆောင်ရွက်သွားမည်ဖြစ်ကြောင်း NUCC က ထုတ်ပြန်သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)