မကွေးတိုင်း၊ နတ်မောက်မြို့နယ်တွင် စစ်ကောင်စီယာဥ်တန်းအား ရှေ့ထွက်ပြောင်းဖြင့် မိုင်းဆွဲတိုက်ခိုက်ရာ စစ်အုပ်စုထိခိုက်သေဆုံးမှုများရှိကြောင်း ဂဠုန်တပ်နတ်မောက် PDF အဖွဲ့မှ ဗိုလ်ကျီးကန်းက ပြောသည်။
ဒီဇင်ဘာ ၁၄ ရက် နံနက် ၉နာရီခန့်က နတ်မောက်မြို့နယ်၊ ကံသာကျေးရွာနှင့် ဖတ်တောရေကျေးရွာကြားတွင် စစ်ကောင်စီယဉ်တန်းအား ရှေ့ထွက်ပြောင်းများဖြင့် မိုင်းဆွဲတိုက်ခိုက်ခဲ့ရာ စစ်ကောင်စီတပ်ဖွဲဝင် ၁၄ဦးသေဆုံး၍ လေးဦးပြင်းထန်ဒဏ်ရာရရှိခဲ့ကြောင်း ဂဠုန်တပ်နတ်မောက် PDF အဖွဲ့မှ ဗိုလ်ကျီးကန်းက ပြောသည်။
အဆိုပါ စစ်ဆင်ရေးအား ဂဠုန်စစ်ကြောင်း တပ်ခွဲ၁တပ်ခွဲမှူး ဗိုလ်အောင်ဒင်နှင့်ကျားသစ်နက်စစ်ကြောင်း တပ်ခွဲ (၂) တပ်ခွဲမှူးဗိုလ်ဥဩတို့က ဗိဿနိုးနယ်မြေပြည်သူ့ကာကွယ်ရေးတပ်မတော်က တပ်သားများဖြင့်ပူးပေါင်း၍ တိုက်ခိုက်ခဲ့ခြင်းဖြစ်ကြောင်း အသိပေးထားသည်။
ဖြစ်စဥ်နှင့်ပတ်သက်၍ စစ်ကောင်စီတပ်၏ ထိခိုက်သေဆုံးမှုများအား ထပ်မံအတည်ပြုနိုင်ခြင်း မရှိသေးပေ။
အောက်တိုဘာအတွင်းကလည်း နတ်မောက်မြို့နယ်၊ ဖက်တောရေကျေးရွာအနီးတွင် စစ်ကောင်စီတပ်နှင့် ဒေသတွင်း PDFများ ပစ်ခတ်မှု ဖြစ်ပွားပြီး စစ်အုပ်စုထိခိုက်သေဆုံးမှုရှိခဲ့သည်။
