စစ်ကိုင်းတိုင်း၊ စစ်ကိုင်းမြို့နယ်ရှိ မြင်းဆည်ရွာနှင့် သုံးလင့်ကျေးရွာအား စစ်ကောင်စီတပ်က မီးရှို့ဖျက်ဆီးခဲ့၍ နှစ်ရွာပေါင်း နေအိမ် ၁၀၀ခန့် မီးလောင်ကျွမ်းပျက်စီးခဲ့ကြောင်း ဒေသခံများက ပြောသည်။
ယမန်နေ့(ဒီဇင်ဘာ ၂၈ ရက်)က စစ်ကိုင်းမြို့နယ်၊ မြင်းဆည်ရွာနှင့် သုံးလင့်ကျေးရွာအားစစ်ကောင်စီ၏ တပ်မ(၃၃)က ဝင်ရောက်ဖျက်ဆီးမီးရှို့ခဲ့၍ နှစ်ရွာပေါင်း နေအိမ် ၁၀၀ခန့်မီးလောင်ပျက်ဆီးခဲ့ကြောင်း ဒေသခံများက ပြောသည်။
![(မြင်းဆည်ရွာနှင့် သုံးလင့်ရွာမှ မီးလောင်ပျက်စီးခဲ့သည့် နေအိမ်များအား တွေ့ရစဥ်၊ ဓာတ်ပုံ - CJ)](https://i0.wp.com/www.ludunwayoo.com/wp-content/uploads/2022/12/321568309_1784138301971757_3781395936437069971_n.png?resize=720%2C539&ssl=1)
![(မြင်းဆည်ရွာနှင့် သုံးလင့်ရွာမှ မီးလောင်ပျက်စီးခဲ့သည့် နေအိမ်များအား တွေ့ရစဥ်၊ ဓာတ်ပုံ - CJ)](https://i0.wp.com/www.ludunwayoo.com/wp-content/uploads/2022/12/321120063_828030311640192_4987430120522860847_n.png?resize=720%2C539&ssl=1)
![(မြင်းဆည်ရွာနှင့် သုံးလင့်ရွာမှ မီးလောင်ပျက်စီးခဲ့သည့် နေအိမ်များအား တွေ့ရစဥ်၊ ဓာတ်ပုံ - CJ)](https://i0.wp.com/www.ludunwayoo.com/wp-content/uploads/2022/12/322710943_703071698022060_8179108310039003367_n.png?resize=720%2C539&ssl=1)
![(မြင်းဆည်ရွာနှင့် သုံးလင့်ရွာမှ မီးလောင်ပျက်စီးခဲ့သည့် နေအိမ်များအား တွေ့ရစဥ်၊ ဓာတ်ပုံ - CJ)](https://i0.wp.com/www.ludunwayoo.com/wp-content/uploads/2022/12/320859081_678833590360213_1641239423228594608_n.png?resize=720%2C405&ssl=1)
“နေ့လယ်ကတည်းက ဝင်ရှို့တာ။ ညအထိမီးမငြိမ်းဘူး။ မြစ်တစ်ဖက်ကမ်းကတောင် မြင်ရတယ်”ဟု နယ်ခံတစ်ဦးက ပြောသည်။
စစ်ကောင်စီတပ်သည် လက်နက်ကြီးများ၊ ဒရုန်းများဖြင့်ပါ အကြောင်းမဲ့ပစ်ခတ်ခဲ့ပြီး သရက်ခြံအတွင်း ရပ်ထားသော စစ်ရှောင်ပြည်သူများ၏ ပစ္စည်းများတင်ထားသည့် ထော်လာဂျီ လေးစီးကိုလည်း မီးရှို့ဖျက်ဆီးသွားကြောင်း ဒေသခံများက ပြောသည်။
![(မြင်းဆည်ရွာနှင့် သုံးလင့်ရွာမှ မီးလောင်ပျက်စီးခဲ့သည့် နေအိမ်များအား တွေ့ရစဥ်၊ ဓာတ်ပုံ - CJ)](https://i0.wp.com/www.ludunwayoo.com/wp-content/uploads/2022/12/322231309_723946245560030_7725724970542343964_n.jpg?resize=576%2C1024&ssl=1)
စစ်ကိုင်းမြို့နယ်တွင် ဒီဇင်ဘာ ၂၁ ရက်ကလည်း စစ်ကောင်စီစစ်ကြောင်းက ဆားတောင်တိုက်နယ်ရှိ ကျေးရွာ ငါးရွာကို မီးရှို့ဖျက်ဆီးခဲ့၍ နေအိမ်ပေါင်း ၈၀၀ နီးပါး ပျက်စီးဆုံးရှုံးခဲ့သည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)