စစ်ကိုင်းတိုင်း တပ်မ(၃၃)မှ မုံရွာမြို့သို့ထွက်လာသည့် စစ်ကောင်စီယာဥ်တန်းအား မုံရွာ – မန္တလေးလမ်းမကြီးပေါ်တွင် နှစ်ကြိမ် မိုင်းဆွဲတိုက်ခိုက်ခဲ့ကြောင်း Dog Killers People’s Defence Force(MMU)အဖွဲ့က သတင်းထုတ်ပြန်သည်။
ယနေ့(ဒီဇင်ဘာ ၃၀ရက်)တွင် စစ်ကိုင်း တပ်မ(၃၃)မှ အင်အား၂၀ခန့်ဖြင့် မြင်းမူမြို့ အ.ထ.က(၁)ကျောင်းအတွင်းသို့ ရောက်ရှိလာပြီး ထိုမှတဆင့် Express ယာဥ်ဖြင့် မုံရွာမြို့သို့ဆက်လက်ထွက်ခွာစဉ် ညနေ ၄နာရိခန့်တွင် ဝမ်းပြည့်ရွာနှင့်အလ္လကပ္ပကျေးရွာကြား၌ မဟာမိတ်ပူးပေါင်းတပ်ဖွဲ့များက နှစ်ကြိမ် မိုင်းဆွဲ တိုက်ခိုက်ခဲ့ကြောင်း Dog Killers People’s Defence Force(MMU)အဖွဲ့က အသိပေးသည်။
ထိုသို့ တိုက်ခိုက်မှုကြောင့် စစ်ကောင်စီယာဥ်မှာ ပျက်စီးသွားပြီး ရှေ့သို့ဆက်မသွားနိုင်တော့ဘဲ နောက်သို့ပြန်လှည့်သွားကြောင်း၊ စစ်ကောင်စီတပ်က လက်နက်ကြီး၊ လက်နက်ငယ်များဖြင့်ပြန်လည်ပစ်ခတ်သော်လည်း ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း DK PDF(MMU)၏ ထုတ်ပြန်ချက်တွင် ဖော်ပြသည်။
စစ်ကောင်စီတပ်၏ ထိခိုက်မှုအခြေအနေကို စုံစမ်းနေသည်ဟု ဆိုသည်။
အဆိုပါ စစ်ဆင်ရေးကိုPeople’s Army To Fight Dictatorship(PAFD).တပ်ခွဲDK PDF(MMU)၊People’s knight Defense Force Myinmu (PKDF-MMU)၊ TAUNGTHA People Defense Force (TTAPDF) ၊ D.B.B.F-MMU မဟာမိတ်အဖွဲ့များပူးပေါင်းဆောင်ရွက်ခဲ့ကြောင်း အသိပေးထားသည်။
ဖြစ်စဥ်နှင့် ပတ်သက်၍ မဟာမိတ်အဖွဲ့များထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။
ယမန်နေ့(ဒီဇင်ဘာ ၂၉ ရက်) ညနေ ၃နာရီဝန်းကျင်ကလည်း မုံရွာ – မန္တလေး လမ်းမကြီးပေါ်ရေပိုးစားရွာနှင့် နတ်ရေကန်ကျေးရွာကြား၌ ကင်းပုန်းဝပ်ထွက်လာသော စစ်ကောင်စီတပ်များအား ဒရုန်းဖြင့် သုံးကြိမ်တိတိ ဗုံးသီးချတိုက်ခိုက်ခဲ့ကြောင်း Black Eagle Defence Force -MMU အဖွဲ့က ထုတ်ပြန်ထားသည်။
