မန္တလေးမြို့မှာ ညအချိန် အိမ်ရှေ့မှာရပ်ထားတဲ့အိုးဝေ(သုံးဘီး)ကို ခိုးမရတဲ့အတွက် မီးရှို့ဖျက်ဆီးသွားတယ်လို့ ပိုင်ရှင်နဲ့နီးစပ်သူထံကတဆင့် သိရပါတယ်။
အဲဒီဖြစ်စဉ်ဟာ မဟာအောင်မြေမြို့နယ်၊ မြောက်ရွာသစ်ရပ်ကွက် ၊ဘုရားကြီးအနီး လမ်း ၈၀နဲ့ ၈၁လမ်း၊ ၄၂လမ်းအနီးက နေအိမ်ရှေ့မှာ မနေ့က ဇန်နဝါရီလ ၂၉ ရက် မနက်အစောပိုင်းဖြစ်ပွားခဲ့တာဖြစ်ပါတယ်။
“ဘယ်လောက်ထိရိုင်းလဲဆို ခိုးမရလို့မီးရှို့သွားတာဗျာ၊ သူတို့မှာ အရစ်ကျနဲ့ဝယ်ပြီး တက္ကစီဆွဲစားနေရတာ”လို့ အိမ်နီးနားချင်းတစ်ဦးကပြောပါတယ်။
အိန္ဒိယထုတ် သုံးဘီးအသစ်ဈေးဟာ ကျပ်သိန်း တစ်ရာဝန်းကျင်တန်ကြေးရှိတယ်လို့စုံစမ်းသိရပါတယ်။
စစ်တပ်အာဏာသိမ်းပြီးနောက် မန္တလေးမှာ ခိုးမှုအပြင် အုပ်စုဖွဲ့လုယက်တာတွေ ၊ ဓားပြတိုက်တာတွေ ဟာ မကြာခဏဆိုသလိုဖြစ်ပွားနေတာပါ။
