ဧရာဝတီတိုင်း ကျုံပျော်မြို့နယ် အင်းဖျားအုပ်စုမှ အုပ်ချုပ်ရေးမှူးတစ်ဦးကို နန်းထိုက်အောင်စစ်ဆင်ရေးအနေဖြင့် ရှင်းလင်းခဲ့ကြောင်း အဆိုပါမြို့ပြပြောက်ကျား (KSTF) မှ တာဝန်ရှိသူတစ်ဦးကပြောသည်။
“ မကြာခင်ကမှ အုပ်ချုပ်ရေးမှုး ခန့်ထားတာ။ အင်ဖျားနဲ့ လိန်ကုန်းရွာကြားက နတ်စင်နားမှာ သေနတ်နဲ့ အနီးကပ်ပစ်ရှင်းခဲ့တာ။” ဟု မတ်လ ၂၂ ရက် ညနေ၆ နာရီခန့်တွင် ပြုလုပ်ခဲ့သည့်စစ်ဆင်ရေး နှင့်ပတ်သက်၍ ပြောသည်။
အဆိုပါအုပ်ချုပ်ရေးမှူးသည် ၂၀၂၁ ဇွန်လက ပြည်သူ ၁၇ ဦးအထိသေဆုံးခဲ့ကာ ပြည်သူ နှစ်ထောင်ကျော် စစ်ဘေးရှောင်ခဲ့ရသည့် လှေဆွဲရွာဖြစ်စဉ် ဖြစ်လာစေရန် သတင်းပေးတိုင်ကြားခဲ့သူဖြစ်သည်ဟု ၎င်းက ဆိုသည်။
“ ဆန္ဒပြလူငယ်တွေ တတ်ကြွလှုပ်ရှားတွေကိုစောင့်ကြည့်ပြီး မြို့ကိုသတင်းပေးတယ်။သူ့ကြောင့် ခဏခဏ ခေါ်အစစ်ခံရတယ်။ တစ်ခုခုဆို လာဖမ်းခိုင်းမှာလို့ ခြိမ်းခြောက်သေးတယ်” ဟု အထက်ပါတာဝန်ရှိသူက ပြောသည်။
