စစ်ကိုင်းတိုင်း၊ မြင်းမူမြို့နယ်ရှိ ညောင်ရင်းကျေးရွာတွင် မင်္ဂလာဆောင်ကျင်းပနေစဥ် စစ်ကောင်စီတပ်က လက်နက်ကြီးဖြင့် ပစ်ခတ်ခဲ့၍ ပြည်သူများထွက်ပြေးတိမ်းရှောင်ခဲ့ရသည်။
ယနေ့ (ဧပြီ၂၉ ရက်) နံနက် ၁၀နာရီခွဲခန့်က မြင်းမူမြို့နယ်၊ ထီးဆောင်းကျေးရွာ၌ အထိုင်ချတပ်စွဲထားသော စစ်ကောင်စီတပ်သည် မြင်းမူတန်ပိုဂိတ်အနီးမှ ညောင်ရင်းကျေးရွာဘက်သို့ (၆၀)မမ လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း မြင်းမူမြို့နယ် သတင်းမှန်ပြန်ကြားရေးအဖွဲ့က ပြောသည်။
“ညောင်းရင်းကျေးရွာမှာ မင်္ဂလာဆောင်ရှိလို့အဲပွဲကိုပစ်တယ်လို့ ကြားတယ်။”ဟု ဒေသခံတစ်ဦးက ပြောသည်။
စစ်ကောင်စီတပ်၏ ရမ်းသမ်းပစ်ခတ်မှုကြောင့်ညောင်ရင်းကျေးရွာမှ ပြည်သူများထွက်ပြေးတိမ်ရှောင်နေရပြီး ထိခိုက်မှုအခြေအနေမသိရသေးဟု ဒေသခံများက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
ဧပြီ၁၁ ရက်နေ့က ကန့်ဘလူမြို့နယ်၊ ပဇီကြီးကျေးရွာ၌ အခမ်းအနားတစ်ခုပြုလုပ်နေစဥ် စစ်ကောင်စီတပ်က လေကြောင်းပစ်ခတ်တိုက်ခိုက်ခဲ့၍ ကလေးသူငယ်များအပါအဝင် လူ၁၈၀ကျော် သေဆုံးခဲ့သည်။
ထိုဖြစ်စဥ်ကြောင့် စစ်ကိုင်းတိုင်းအတွင်းဒေသအချို့တွင် ပွဲအခမ်းအနားများအား ပြုလုပ်ခြင်းမပြုရန် ဒေသကာကွယ်ရးအဖွဲ့များက သတိပေးထားသည်။
ထို့အပြင် မြင်းမူမြို့နယ်အတွင်းရှိ စစ်ကောင်စီတပ်စွဲထားသောနေရာများ၊ စစ်ကောင်စီလက်အောက်ခံရုံးများအနီး မီတာ ၃၀၀ပတ်လည်အတွင်းသို့ ပြည်သူများသွားလာ ဆက်ဆံခြင်းမပြုကြရန် GTR MMU အဖွဲ့က သတိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)