ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စုရှိ မလန်းနှင့် လန်းဆန်းကျေးရွာကို စစ်ကောင်စီက ယနေ့(ဧပြီ ၂၉ရက်)နေ့လယ်တွင် စစ်ကြောင်းထိုးဝင်ရောက်လာပြီး ဒေသခံအရပ်သား ၂၀ ကျော်ကို ဖမ်းဆီးချုပ်နှောင်ထားကြောင်း ဒေသခံများက ပြောသည်။
ရွာချင်းထိစပ်နေသော မလန်းနှင့် လန်းဆန်းကျေးရွာကို ယနေ့ နေ့လည် ၁၂ နာရီခန့်တွင် စစ်ကောင်စီတပ်က အင်အား ၃၀ထက်မနည်းက သေနတ် ပစ်ဖောက်ကာ ဝင်လာခြင်းဟု ဒေသခံများကပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
” သေနတ်တွေ ဆက်တိုက်ဖောက်ဝင်တာ။ အခု ၂၁ ယောက်ဖမ်းထားတယ်။ အကုန် လူလတ်ပိုင်းတွေချည်း ဖမ်းထားတာ”ဟု မျက်မြင်တွေ့ရှ်ိသော ဒေသခံတစ်ဦးက ပြောသည်။
စစ်ကောင်စီတပ်သည် ဖားကန့်ဒေသခံများကို ကချင်လွတ်လပ်ရေးတပ်မတော်(KIA)၊ PDFနှင့် ဆက်နွယ်သည်ဟုဆိုကာ ဆက်တိုက်ဖမ်းဆီးနေသည်။
ပြီးခဲ့သည့် ဧပြီ ၂၁ရက်ကလည်း ဆန်ခါနှင့် မှော်ပုံကျေးရွာကို စစ်ကောင်စီတပ်က ဝင်ရောက်စီးနင်းပြီး လူငယ်အများစုပါဝင်သော ဒေသခံအရပ်သား ၂၀၀ကျော်ကို ဖမ်းဆီးခဲ့သည်။ ၅၀ခန့်ကိုသာ ပြန်လွှတ်ပေးပြီး ကျန်သူများကိုမူ ယနေ့အထိဖမ်းဆီးခံထားရဆဲဟု သတင်းရရှ်ိသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)