မုန်တိုင်းဒဏ်သင့်သွားတဲ့ စစ်တွေအပါအဝင် ရခိုင်ပြည်နယ်မြောက်ပိုင်းက မြို့နယ် ၆ မြို့နယ် ရဲ့ ပျက်စီးဆုံးရှုံးမှု စစ်တမ်းစတင်ကောက်ယူဖို့ဆောင်ရွက်နေတယ်လို့ ကုလသမဂ္ဂ လူသားချင်းစာနာမှုဆိုင်ရာညှိနှိုင်းရေးရုံးက (UNOCHA) က ဒီနေ့မှာ အသိပေးလိုက်ပါတယ်။
အဲဒီမြို့နယ်တွေကတော့ စစ်တွေ ၊ပေါက်တော ၊ရသေ့တောင် ၊မောင်တော၊ ပုဏ္ဏားကျွန်း၊ ကျောက်တော်တို့ဖြစ်ပါတယ်။
ပျက်စီးဆုံးရှုံးမှုတွေနဲ့အရေးပေါ် လိုအပ်ချက်တွေကို ဦးစားပေး ကူညီဖို့ စစ်တမ်းကောက်တာလို့လည်း ဆိုထားပါတယ်။
ကုလသမဂ္ဂ အေဂျင်စီတစ်ခုဖြစ်တဲ့ UNDP ကတော့ ရခိုင်ပြည်နယ်မှာ လတ်တလော ဆက်သွယ်ရေးအခက်အခဲ ကြောင့် ပျက်စီးဆုံးရှုံးမှုပမာဏကို အတိအကျကောက်ယူရရှိဖို့ ခက်ခဲနေတယ်လို့ဆိုပါတယ်။
မုန်တိုင်းကြောင့် လမ်းပိတ်ဆို့တာ ၊တယ်လီဖုန်းလိုင်းတွေပြတ်တောက်တာ စတဲ့ အခက်အခဲတွေ ရှိနေတာပါ။
UNOCHA က မြေပြင် အဖွဲ့တွေနဲ့ ဆက်သွယ်ရေးဟာ အကန့်အသတ်ရှိနေပေမယ့် ကနဦးအစီရင်ခံစာတွေအရ မုန်တိုင်းကြောင့်ထိခိုက်ပျက်စီးမှုဟာ ကြီးမားတယ်လို့ ဆိုထားပါတယ်။
ဓာတ်ပုံ −Maxar Technologies
