ချင်းတောင်တွင်စစ်ကောင်စီသံချပ်ကာကားနှစ်စီးကိုဖျက်ဆီးနိုင်ခဲ့သည့်ချင်းကာကွယ်ရေးတပ်ဖွဲ့များကို အမျိုးသားညီညွတ်ရေးအစိုးရက ငွေကျပ်သိန်း ၄၀၀၀ ချီးမြင့်ဂုဏ်ပြုလိုက်သည်။
ယနေ့(ဇူလိုင်လ၄ရက်)က ပြုလုပ်သည့် အမျိုးသားညီညွတ်ရေးအစိုးရ၏ ၂၂ ကြိမ်မြောက် အစိုးရအဖွဲ့အစည်းဝေးတွင် ယင်းကဲ့သို့ ဂုဏ်ပြုခဲ့ခြင်းဖြစ်သည်။
![(စစ်ကောင်စီတပ်၏ သံချပ်ကာကား ၂ စီးကို ချင်းကာကွယ်ရေးပူးပေါင်းတပ်များက တိုက်ခိုက်ဖျက်ဆီးခဲ့စဥ်။ ဓါတ်ပုံ- CNF)](https://i0.wp.com/www.ludunwayoo.com/wp-content/uploads/2023/07/358027863_609273104604819_8033694566623850302_n.jpg?resize=880%2C1008&ssl=1)
” ချင်းတော်လှန်ရေး အင်အားစုတွေက အကြမ်းဖက်စစ်အုပ်စုရဲ့ သံချပ်ကာ ယာဉ် ၂ စီးကို ချေမှုန်းဖျက်ဆီးနိုင်ခဲ့တာကို အထောက်အထားတွေနဲ့တကွ တင်ပြလာတဲ့အတွက် စိစစ်ချီးမြှင့်ရေးအဖွဲ့ကလေ့လာသုံးသပ် စိစစ်ကာ အတည်ပြုနိုင်ခဲ့တာကြောင့် အမျိုးသားညီညွတ်ရေးအစိုးရအနေနဲ့ ထုတ်ပြန်ခဲ့တဲ့ ကြေညာချက်နဲ့အညီ သံချပ်ကာယာဉ် တစ်စီးကို ကျပ်သိန်း (၂၀၀၀) နဲ့ (၂) စီးအတွက် မြန်မာကျပ်ငွေ သိန်း(၄၀၀၀) ကို ချင်းပြည်နယ် CNF/CNA + CDFs ရဲ့ တာဝန်ရှိသူတွေကို ဂုဏ်ပြုချီးမြှင့်ခဲ့ပါတယ်” ဟု အမျိုးသားညီညွတ်ရေးအစိုးရ၏ ယနေ့ ထုတ်ပြန်ချက်တွင် ဖော်ပြထားသည်။
![Public Service Announcement](https://i0.wp.com/www.ludunwayoo.com/wp-content/uploads/2022/08/PSA_Inside-Story_Landmines.jpg?resize=880%2C446&ssl=1)
စစ်ကောင်စီ၏ သံချက်ကာကားနှစ်စီးကို ပြီးခဲ့သည့် ဧပြီလ ၁၃ ရက်နေ့က ဟားခါးမြို့နယ်၊ ချွန်ကျုံးကျေးရွာအနီး၌ ဖြစ်ပွားခဲ့သည့်တိုက်ပွဲတွင်ချင်းကာကွယ်ရေး ပူးပေါင်းတပ်ဖွဲ့ တိုက်ခိုက်ဖျက်ဆီး နိုင်ခဲ့ခြင်းဖြစ်သည်။
![(စစ်ကောင်စီတပ်၏ သံချပ်ကာကား ၂ စီးကို ချင်းကာကွယ်ရေးပူးပေါင်းတပ်များက တိုက်ခိုက်ဖျက်ဆီးခဲ့စဥ်။ ဓါတ်ပုံ- CNF)](https://i0.wp.com/www.ludunwayoo.com/wp-content/uploads/2023/07/357405171_609272977938165_7068923407541130637_n.jpg?resize=394%2C282&ssl=1)
![(စစ်ကောင်စီတပ်၏ သံချပ်ကာကား ၂ စီးကို ချင်းကာကွယ်ရေးပူးပေါင်းတပ်များက တိုက်ခိုက်ဖျက်ဆီးခဲ့စဥ်။ ဓါတ်ပုံ- CNF)](https://i0.wp.com/www.ludunwayoo.com/wp-content/uploads/2023/07/357390427_609272951271501_6836514715268650980_n.jpg?resize=720%2C405&ssl=1)
![(စစ်ကောင်စီတပ်၏ သံချပ်ကာကား ၂ စီးကို ချင်းကာကွယ်ရေးပူးပေါင်းတပ်များက တိုက်ခိုက်ဖျက်ဆီးခဲ့စဥ်။ ဓါတ်ပုံ- CNF)](https://i0.wp.com/www.ludunwayoo.com/wp-content/uploads/2023/07/357467619_609272917938171_3721911598528309859_n.jpg?resize=720%2C405&ssl=1)
![(စစ်ကောင်စီတပ်၏ သံချပ်ကာကား ၂ စီးကို ချင်းကာကွယ်ရေးပူးပေါင်းတပ်များက တိုက်ခိုက်ဖျက်ဆီးခဲ့စဥ်။ ဓါတ်ပုံ- CNF)](https://i0.wp.com/www.ludunwayoo.com/wp-content/uploads/2023/07/357547682_609272887938174_7987453154768105452_n.jpg?resize=322%2C211&ssl=1)
“ဒီသတင်းကို ကြားရချိန်တုန်းက ကျွန်တော်တို့ အားလုံး အံ့ဩ ဝမ်းသာဖြစ်ခဲ့ပြီး တော်လှန်ရေးအတွက်လည်း တကယ်ကို အားတက်ခဲ့ကြရပါတယ်”ဟု အမျိုးသားညွတ်ရေးအစိုးရ ပြည်ထောင်စုဝန်ကြီးချုပ် မန်းဝင်းခိုင်သန်းက ယနေ့ အစည်းအဝေးမိန့်ခွန်းတင် ထည့်သွင်းပြောကြားခဲ့သည်။
အမျိုးသားညီညွတ်ရေးအစိုးရယာယီသမ္မတ ဒူဝါလရှီးလကလည်း ” နွေဦးတော်လှန်ရေးမှာ ချင်းပြည်နယ်အတွင်း ချင်းအမျိုးသားလွတ်မြောက်ရေးတိုက်ပွဲအတွက် တစ်ပါ တည်း လုပ်ဆောင်နိုင်တာကို တွေ့ရလို့ ကျွန်တော်တို့က ဝမ်းသာကြိုဆိုရပါတယ်။ စစ်အာဏာရှင်စနစ် အမြစ်ပြတ် ချေမှုန်းရေးနဲ့အတူ ချင်းအမျိုးသား လွတ်မြောက်ရေးတိုက်ပွဲကို အတူယှဉ်တွဲပြီး ဖော်ဆောင်နိုင်လို့ ချင်းလူထုအတွက် ကောင်းချီးဖြစ်စေတယ်လို့ ကျွန်တော် ယုံကြည်ပါတယ်” ဟု ပြောကြားထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)