မိထက်/People’s Spring
ကချင်ပြည်နယ် ဗန်းမော်၊ ရွှေကူမြို့ နှင့် စစ်ကိုင်းတိုင်းခန္တီး ၊ဟုမ္မလင်းမြို့တို့တွင် ဧရာဝတီမြစ်နှင့်ချင်းတွင်းမြစ်ရေတက်၍ ရေကြီးနစ်မြုပ်မှုဖြစ်ပေါ်နေပြီး လူ ၃၀၀၀၀ ကျော် အရေးပေါ်ပြောင်းရွှေထားရကြောင်းသတင်းရရှိသည်။
ဗန်းမော်နှင့်ရွှေကူမြို့တွင် ဧရာဝတီမြစ်ရေသည် ယမန်နေ့(ဇူလိုင်ည ၄ရက်)၌ စိုးရိမ်ရေမတ်အထက်၌ ၄ပေခန့်ရှိနေပြီး မြေနိမ့်ပိုင်းရပ်ကွက်များနှင့်ကျေးရွာများမှ လူဦးရေနှစ်သောင်းခန့်ကို ဘေးလွတ်ရာသို့ရွှေ့ပြောင်းထားရသည်ဟု ဒေသခံများကပြောသည်။
![(ဟုမ္မလင်းမြို့ပေါ်တွင် ရေကြီးရေလျှံနေသည်ကို ဇူလိုင် ၄ ရက်ကတွေ့ရစဥ်။ ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2024/07/449741611_810605731138221_4120909787013951330_n.jpg?resize=810%2C1080&ssl=1)
![(ဟုမ္မလင်းမြို့ပေါ်တွင် ရေကြီးရေလျှံနေသည်ကို ဇူလိုင် ၄ ရက်ကတွေ့ရစဥ်။ ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2024/07/449652671_810605614471566_1253877937131724790_n.jpg?resize=720%2C960&ssl=1)
![(ဟုမ္မလင်းမြို့ပေါ်တွင် ရေကြီးရေလျှံနေသည်ကို ဇူလိုင် ၄ ရက်ကတွေ့ရစဥ်။ ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2024/07/449615095_810605647804896_6571907103317706413_n.jpg?resize=642%2C589&ssl=1)
![(ဟုမ္မလင်းမြို့ပေါ်တွင် ရေကြီးရေလျှံနေသည်ကို ဇူလိုင် ၄ ရက်ကတွေ့ရစဥ်။ ဓါတ်ပုံ-CJ)](https://i0.wp.com/www.ludunwayoo.com/wp-content/uploads/2024/07/449653188_810605684471559_6624418846557397216_n.jpg?resize=720%2C960&ssl=1)
စစ်ကိုင်းတိုင်း ခန္တီးနှင့် ဟုမ္မလင်းမြို့တို့တွင်လည်း ချင်းတွင်းမြစ်ရေ စိုးရိမ်ရေမယ့်အထက်၌မြင့်တက်နေပြီး မြေနိမ့်ပိုင်းဒေသများ ရေကြီးနစ်မြုပ်မှု ဖြစ်ပေါ်နေသည်။ ယင်းနှစ်မြို့တွင် ရေဘေးသင့်ပြည်သူ ၁၀၀၀၀ခန့်သည်ဟုလူမှုကူညီရေးအသင်းများထံမှသိရသည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
“ကချင်ပြည်နယ်မှာကရေဘေးအန္တရာယ်ရှိနေပါသေးတယ်။ မိုးကောင်းဘက်မှာ ရေတက်နေတုန်း လူတစ်ယောက် ဓါတ်လိုက်ပြီးသေဆုံးတာမျိုးရှိတယ်။ မြစ်ကြီးနားတို့ ဝိုင်းမော်တို့မှာလည်း လျှပ်စစ်မီးပျက်တောက်တာတွေ၊စက်သုံးပြတ်လပ်တာတွေရင်ဆိုင်နေရပါတယ်”ဟု ကချင်ပြည်နယ်မှလူမှုကူညီအသင်းလုပ်ဆောင်သူတစ်ဦးကပြောသည်။
ကချင်ပြည်နယ်တွင် ဇွန်လကုန်က နေရာကွက်မိုးကောင်းပြီးနောက် ဧရာဝတီမြစ်ရေမြင့်တက်လာကာ မြစ်ကြီးနားမြို့၊ဝိုင်းမော်မြို့၊ဆွမ်ပရာဘွမ်မြို့၊ ချီဖွေမြို့၊ ပန်ဝါမြို့၊ဖားကန့်မြို့တို့တွင်လည်း ရေကြီးနစ်မြုပ်ဖြစ်ပေါ်ခဲ့သည်။ ယခုအခါ အဆိုပါမြို့နယ်များ၌ရေပြန်ကျပြီး အောက်ပိုင်းဒေသကြီးမြို့နယ်များတွင် ရေတိုးနေခြင်းဖြစ်သည်။ကချင်ပြည်နယ်နှင့် စစ်ကိုင်းတိုင်းအထက်ပိုင်း၌ဇူလိုင်လ ၁၀ရက်ခန့်အထိ မိုးဆက်လက်ရွာသွန်းနိုင်ကြောင်း အမျိုးသားညီညွတ်ရေးအစိုးရ(NUG)၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေး၀န်ကြီးဌာန (MOHADM)က သတိပေးထားသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)