သုည/People’s Spring
ရန်ကုန်မြို့ ခုံးကျော်တံတားတစ်ခုပေါ်တွင် ယနေ့ (ဇူလိုင် ၂၃) ညနေပိုင်းက တော်လှန်လူငယ်များ ဦးဆောင်ကာ စစ်ခေါင်းဆောင် မင်းအောင်လှိုင် ယာယီသမ္မတရာထူးယူခြင်းအပေါ် ကန့်ကွက်ရှုတ်ချသည့်အနေဖြင့် ” ဦးဝင်းမြင့်သာလျှင် ငါတို့သမ္မတ” ဟူသော ဘန်နာစာသား ချိတ်ဆွဲခဲ့သည်။
အဆိုပါ လှုပ်ရှားမှုကို ရွှေပြည်သာမြို့နယ်ကျောင်းသားများသမဂ္ဂ(ဗကသများအဖွဲ့ချုပ်၊ ရွှေပြည်သာမြို့နယ်သပိတ် ကော်မတီ (SPTSC)နှင့် မျိုးဆက်သစ်လူငယ်သပိတ် ကော်မတီ(NGYSC)တို့ပူးပေါင်းပြုလုပ်ခဲ့ခြင်း ဖြစ်သည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
ယနေ့နံနက်ကလည်း ရန်ကုန်မြို့ နေရာအချို့တွင် တော်လှန်ရေးမဟာမိတ်များ ပူးပေါင်းကာ ကိုဂျင်မီ(ခ)ကိုကျော်မင်းယု၊ ကိုဖြိုးဇေယျာသော်(ခ) မောင်ကျော်၊ ကိုလှမျိုးအောင်(ခ)ကိုမျိုး၊ ကိုသူရအောင် (ခ)ကိုဂတုံးတို့ လေးဦး မတရားကြိုးပေးသတ်ဖြတ်ခံရခြင်း (၂)နှစ်ပြည့် လှုပ်ရှားမှုကို ပြုလုပ်ခဲ့ကြသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)