သုည/People’s Spring
ကိုဂျင်မီ၊ကိုဖြိုးဇေယျာသော်၊ကိုအောင်သူရဇော်၊ကိုလှမျိုးအောင်တို့ လေးဦး ကြိုးပေးကွပ်မျက်ခံရမှု (၂)နှစ်ပြည့် ဝမ်းနည်းခြင်းအထိမ်းမှတ်အဖြစ် စစ်ကိုင်းအတွင်းက သပိတ်အဖွဲ့တွေ၊ ဒေသခံပြည်သူတွေက စစ်အာဏာရှင်ဆန့်ကျင်ရေး သပိတ်တွေ ယနေ့ (ဇူလိုင် ၂၃) မှာ အသီးသီး ဆန္ဒပြခဲ့ပါတယ်။
![](https://i0.wp.com/www.ludunwayoo.com/wp-content/uploads/2024/07/452481750_821258370072957_1376799768283449959_n.jpg?resize=880%2C660&ssl=1)
![](https://i0.wp.com/www.ludunwayoo.com/wp-content/uploads/2024/07/452512574_821258383406289_4430273114693478780_n.jpg?resize=880%2C660&ssl=1)
စစ်ကိုင်းတိုင်း ဘုတလင်မြို့နယ်မှာ ကိုဂျင်မီ၊ ကိုဇေယျာသော်၊ ကိုလှမျိုးအောင်၊ ကိုအောင် သူရဇော် တို့အပါအဝင် နွေဦးတော်လှန်ရေးတွင် ကျဆုံးခဲ့ရသည့် ကျောင်းသား ပြည်သူရဲဘော်အပေါင်းအား အောက်မေ့ဝမ်းနည်းအထိမ်းအမှတ် ပြုလုပ်ခဲ့ပါတယ်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
ဝက်လက်မြို့နယ်မှာလည်း လူထုသပိတ်တိုက်ပွဲ ဦးဆောင်ကော်မတီနဲ့ ဒေသခံပြည်သူလူထုတို့ ပူးပေါင်းကာ “အာဏာရှင်စနစ်အဆုံးသတ်ဖို့ ပြည်သူအားလုံးပါဝင်စို့” ဘန်နာစာသား ကိုင်စွဲပြီး စစ်အာဏာရှင်ကို ဆန့်ကျင်ကြောင်း ဆန္ဒပြခဲ့ပါတယ်။
ယင်းမာပင်မြို့နယ်မှာလည်း ရွာပေါင်းစုံသပိတ်စစ်ကြောင်းဟာ ကိုဂျင်မီ၊ကိုဖြိုးဇေယျာသော်၊ကိုလှမျိုးအောင်၊ကိုအောင်သူရဇော်တို့ကို စစ်အကြမ်းဖက်အုပ်စုက ကြိုးပေးသတ်ဖြတ်ခဲ့တာ (၂)နှစ်ပြည့်အနေနဲ့ “တရားတဲ့သူသာနိုင်ကြေးဟေ့”စာသားကိုင်စွဲပြီး စစ်အာဏာရှင် ဆန့်ကျင်ရေးသပိတ် ဆန္ဒပြခဲ့ပါတယ်။
![](https://i0.wp.com/www.ludunwayoo.com/wp-content/uploads/2024/07/452509143_821258353406292_1022686959097581736_n.jpg?resize=880%2C495&ssl=1)
![](https://i0.wp.com/www.ludunwayoo.com/wp-content/uploads/2024/07/452654626_821257950072999_5518367781154121710_n.jpg?resize=880%2C660&ssl=1)
အရာတော်မြို့နယ်မှာလည်း လူထုသပိတ်ဦးဆောင်ကော်မတီနဲ့ ဒေသခံပြည်သူ့ကာကွယ်ရေးတပ်ဖွဲ့(အရတပကဖ)တွေ ပူးပေါင်းပြီး စစ်ကောင်စီအထိုင်စခန်းနဲ့ နီးစပ်တဲ့ အရာတော်-ရွှေဘို လမ်းပိုင်းတစ်နေရာမှာ “တရားတဲ့သူသာနိုင်ကြေးဟေ့” ဘန်နာစာတန်းနဲ့ ဆန္ဒပြခဲ့ပါတယ်။
ဒါ့အပြင် “ငါတို့အားလုံးကိုဂျင်မီ၊ ငါတို့အားလုံးဖြိုးဇေယျာသော်၊ ငါတို့အားလုံးအောင်သူရဇော်၊ ငါတို့အားလုံးလှမျိုးအောင်” စတဲ့ ကြွေးကြော်သံတွေနဲ့ ချီတက်သပိတ်မှောက်ခဲ့ပါတယ်။
ကလေးမြို့နယ်မှာလည်း လူထုတိုက်ပွဲဦးဆောင်ကော်မတီက ကိုဖြိုးဇေယျာသော်၊ ကိုဂျင်မီ၊ကိုလှမျိုးအောင်၊ ကိုအောင်သူရဇော်တို့ မတရားကြိုးပေးသတ်ဖြတ်ခံရခြင်း (၂)နှစ်ပြည့် အထိမ်းအမှတ် အခမ်းအနား ပြုလုပ်ခဲ့ပါတယ်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)