သုည/People’s Spring
စစ်ကိုင်းနဲ့ မကွေးတိုင်းမှာ သပိတ်အဖွဲ့တွေ၊ ဒေသခံပြည်သူတွေက စစ်အာဏာရှင်ဆန့်ကျင်ရေး ဆန္ဒပြလှုပ်ရှားမှုတွေ ယနေ့ (ဇူလိုင် ၂၈)မှာ အသီးသီး ပြုလုပ်ခဲ့ပါတယ်။
စစ်ကိုင်းတိုင်း ဘုတလင်မြို့နယ်မှာ ကျောင်းသားများသမဂ္ဂ (ဗကသများအဖွဲ့ချုပ်)ရဲ့ ဥက္ကဋ္ဌ ရဲဘော်ကျော်ဝင်းသန့်၊ ဒုဥက္ကဋ္ဌ ရဲဘော်ကြယ်စင်ငြိမ်းချမ်းနဲ့ သတင်းပြန်ကြားရေးမှူး ရဲဘော်သုတနေတို့ ကျဆုံးခြင်း တစ်နှစ်ပြည့်အထိမ်းအမှတ်အဖြစ် စစ်အာဏာရှင်စနစ် ဆန့်ကျင်ရေးလှုပ်ရှားမှုတစ်ရပ် လုပ်ဆောင်ခဲ့ပါတယ်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
မြင်းမူမြို့နယ်မှာ မုံရွာလူထုသပိတ်တိုက်ပွဲဦးဆောင်ကော်မတီနဲ့ မြင်းမူလူငယ်တွေ လက်တွဲကာ နွေဦးရုပ်ရှင်ပြပွဲနဲ့ စစ်ဘေးအန္တရာယ်ကာကွယ်ရေးအတွက် ဆောင်ရန် ၊ ရှောင်ရန်၊ ပြင်ဆင်ဆောင်ရွက်ရန်နဲ့ ဘူးသပိတ်တိုက်ပွဲ နည်းနာတွေကို အသိပညာပေး လှုံ့ဆော်တိုက်တွန်းခဲ့ပါတယ်။
ယင်းမာပင်မြို့နယ်မှာလည်း ရွာပေါင်းစုံသပိတ်၊ အောင်လံလွှင့်မည်ရွှေရေကြည်သပိတ်၊ နောက်ပြန်လှည့်မကြည့်ကြေးဒီတော်လှန်ရေးသပိတ်တို့က စစ်အာဏာရှင် ဆန့်ကျင်ရေးသပိတ် ချီတက်ဆန္ဒပြခဲ့ပါတယ်။
![](https://i0.wp.com/www.ludunwayoo.com/wp-content/uploads/2024/07/453200915_824239439774850_2934240545420897635_n.jpg?resize=880%2C587&ssl=1)
![](https://i0.wp.com/www.ludunwayoo.com/wp-content/uploads/2024/07/453166567_824239369774857_1203889270491490975_n.jpg?resize=880%2C587&ssl=1)
![](https://i0.wp.com/www.ludunwayoo.com/wp-content/uploads/2024/07/453092511_824239473108180_7450553417595503764_n.jpg?resize=880%2C386&ssl=1)
![](https://i0.wp.com/www.ludunwayoo.com/wp-content/uploads/2024/07/453143671_824239426441518_6536529267671987543_n.jpg?resize=880%2C386&ssl=1)
မကွေးတိုင်း ရေနံချောင်းမြို့နယ်အတွင်း တော်လှန်ရေးနယ်မြေမှာလည်း ရေနံချောင်းတက္ကသိုလ်ကျောင်းသားများသမဂ္ဂက ကျေးရွာ အတွင်းရှိ လူငယ်ထုနဲ့ တွေ့ဆုံပွဲပြုလုပ်ခဲ့ပါတယ်။
ယင်းလူငယ်ထုနဲ့တွေ့ဆုံပွဲမှာ တော်လှန်လူထုထဲမှ လူငယ်များရဲ့ အခန်းကဏ္ဍနဲ့ နိုင်ငံရေးဆိုင်ရာအသိပညာတွေ ၊ တော်လှန်ရေးရုပ်ရှင်ပြသခြင်းတွေ အာဏာရှင်စနစ် ဆန့်ကျင်ရေး ဟောပြောပွဲတွေနဲ့ ဆွေးနွေးပွဲတွေ လုပ်ဆောင်ခဲ့ပါတယ်။
ဓာတ်ပုံ – ရွာပေါင်းစုံသပိတ်၊ အောင်လံလွှင့်မည်ဒေါင်းသွေးနီသပိတ်၊ မုံရွာလူထုသပိတ်
![](https://i1.wp.com/ludunwayoo.com/wp-content/uploads/2021/08/banner-logo1-50px.png)