People’s Spring
လာမယ့်ရက်ပိုင်းအတွင်း မြန်မာနိုင်ငံဆီ တရုတ်နိုင်ငံခြားရေးဝန်ကြီး ဝမ်ယိသွားရောက်ဖို့ ရှိတယ်လို့ တရုတ်နိုင်ငံခြားရေးဝန်ကြီးဌာနက ထုတ်ပြန်ပါတယ်။
ထိုင်းနိုင်ငံမှာကျင်းပတဲ့ လန်ချန်း -မဲခေါင်ပူးပေါင်းဆောင်ရွက်ရေးအဖွဲ့ အစည်းအဝေးကိုတက်ရောက်ဖို့ သွားရင်း မြန်မာနိုင်ငံကိုသွားရောက်မှာ ဖြစ်ပါတယ်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
ထိုင်းနဲ့ မြန်မာနိုင်ငံတွေဆီ သြဂုတ်လ ၁၄ ရက်ကနေ ၁၇ ရက် ကာလအတွင်းသွားရောက်မှာဖြစ်တယ်လို့ တရုတ်နိုင်ငံခြားရေးဝန်ကြီးဌာနက ဆိုပါတယ်။
မြန်မာနိုင်ငံခရီးစဉ်နဲ့ပတ်သက်ပြီး အသေးစိတ်အချက်အလက်တွေကိုတော့ တရုတ်နိုင်ငံခြားရေးဝန်ကြီး ဌာနက မထုတ်ပြန်ထားပါဘူး။
နိုင်ငံခြားရေးဝန်ကြီး ဝမ်ယိရဲ့ ခရီးစဉ်မတိုင်ခင် ရက်ပိုင်းအလိုက တရုတ်ရဲ့အာရှရေးရာအထူးကိုယ်စားလှယ် တိန့်ရှီကျွမ်းဟာ နေပြည်တော်ကို ရောက်ရှိလာခဲ့ပြီး စစ်ကောင်စီခေါင်းဆောင် နဲ့ တွေ့ဆုံမှုတွေ ပြုလုပ်ထားပါတယ်။
ရှမ်းမြောက်ဒေသမှာ စစ်ကောင်စီ အားကိုးရတဲ့ စစ်ဌာနချုပ် အခြေစိုက်ရာ လားရှိုးမြို့ ကိုးကန့်တပ်(MNDAA) လက်အောက်ရောက်သွားပြီးနောက် တရုတ်အထူးကိုယ်စားလှယ်ရော ၊ တရုတ်နိုင်ငံခြားရေးဝန်ကြီးပါ ရှေ့ဆင့် နောက်ဆင့် ဆိုသလို နေပြည်တော်ကို လာရောက်ကြတာပါ။
တရုတ်နိုင်ငံခြားရေးဝန်ကြီးဌာနကတော့ မြန်မာနိုင်ငံမှာ စစ်ပွဲတွေ ဖြစ်ပွားတာကို မမြင်တွေ့လို့ တဲ့အပြင် ရှမ်းမြောက်ဒေသ တည်ငြိမ်ဖို့ မျှော်လင့်တယ်လို့ ထုတ်ပြောထားပါတယ်။
ဓာတ်ပုံ – ရိုက်တာ
![](https://i1.wp.com/ludunwayoo.com/wp-content/uploads/2021/08/banner-logo1-50px.png)