သားကြီး/People’s Spring
စစ်ကိုင်းတိုင်း၊ ရွှေဘိုမြို့နှင့် ခင်ဦးမြို့နယ်ကြားရှိ စစ်ကောင်စီ၏အဓိက စခန်းဖြစ်သော မဒေါင်းလှရွာစခန်းကို ဒေသကာကွယ်ရေးတပ်ဖွဲ့များက ယနေ့ (ဩဂုတ် ၁၈ရက်) နံနက်တွင် တိုက်ခိုက်သိမ်းပိုက်လိုက်သည်။
စစ်ကောင်စီနှင့် ပျူစောထီးများ အခိုင်အမာတပ်စွဲထားသော အဆိုပါစခန်းကို ယနေ့ နံနက် အစောပိုင်းတွင် စတင်တိုက်ခိုက်ပြီး နံနက် ၁၁ နာရီခန့်တွင် သိမ်းယူနိုင်ခြင်းဟု မြေပြင်စစ်ရေးသတင်းရင်းမြစ်တစ်ဦးက ပြောသည်။
![Public Service Announcement](https://i0.wp.com/www.ludunwayoo.com/wp-content/uploads/2024/04/Safer-practices_inside_psa_ads.jpg?resize=880%2C138&ssl=1)
Public Service Announcement
မဒေါင်းလှစခန်းသည် ရွှေဘို-မြစ်ကြီးနားကားလမ်းဘေး၌ တည်ရှိပြီး ခင်ဦးမြို့နယ်အတွင်းပါဝင်သည်။
အင်အား ၅၀ခန့်ဖြင့် တပ်စွဲထားသည့် စစ်ကောင်စီ၏ အခိုင်အမာစခန်းဖြစ်သည်။ စခန်းသိမ်းတိုက်ပွဲအတွင်း စစ်ကောင်စီဘက်မှ ထိခိုက်မှုကို မသိရသေးပေ။
ခင်ဦးမြို့သည် ရွှေဘိုခရိုင်၌ပါဝင်ပြီး ရွှေဘိုခရိုင်နှင့် ဆက်စပ်နေသော ရေဦးခရိုင်မှ ဒီပဲယင်းမြို့ကိုလည်း ပြည်သူ့ကာကွယ်ရေးတပ်ဖွဲ့များက ယနေ့နံနက်တွင် တိုက်ခိုက်သိမ်းပိုက်ခဲ့ပြီး ညနေပိုင်းတွင် စစ်ကောင်စီက လေကြောင်းမှ ဗုံးကြဲတိုက်ခိုက်နေကြောင်း သတင်းရရှိသည်။
![](https://i1.wp.com/ludunwayoo.com/wp-content/uploads/2021/08/banner-logo1-50px.png)