close
Connect with us

Hi, what are you looking for?

သတင်း

ပဲခူးတိုင်းအရှေ့ပိုင်းရှိ ရေဘေးသင့်ပြည်သူများအား NUGက အရေးပေါ်ကူညီမှုပေး

ပဲခူးတိုင်းအရှေ့ပိုင်းရှိ မြို့နယ် ၆ခုမှ ရေဘေးသင့် ပြည်သူများအား အရေးပေါ် အကူအညီများ ပေးအပ်ခဲ့ကြောင်း အမျိုးသားညီညွတ်ရေးအစိုးရ (NUG) လူသားချင်း စာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေး ဝန်ကြီးဌာနက သတင်းထုတ်ပြန်သည်။

ပဲခူးတိုင်းအရှေ့ပိုင်းရှိ မြို့နယ် ၆ခုမှ ရေဘေးသင့် ပြည်သူများအား NUGက အရေးပေါ် အကူအညီများ ပေးအပ်နေစဉ်။ ဓာတ်ပုံ - NUG

ဩဂုတ်-၆၊ ၂၀၂၅။ ထားမြတ်/People’s Spring

ပဲခူးတိုင်းအရှေ့ပိုင်းရှိ မြို့နယ် ၆ခုမှ ရေဘေးသင့် ပြည်သူများအား အရေးပေါ် အကူအညီများ ပေးအပ်ခဲ့ကြောင်း အမျိုးသားညီညွတ်ရေးအစိုးရ (NUG) လူသားချင်း စာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေး ဝန်ကြီးဌာနက သတင်းထုတ်ပြန်သည်။

မြန်မာနိုင်ငံတစ်ဝှမ်း မိုးအဆက်မပြတ် ရွာသွန်းပြီး မြစ်ရေမြင့်တက်မှုတိုကြောင့် ပဲခူးတိုင်းဒေသကြီးအရှေ့ပိုင်းရှိ ညောင်လေးပင်၊ ကျောက်တံခါး၊ ဖြူး၊ အုတ်တွင်း၊ ထန်းတပင်၊ ရေတာရှည် မြို့နယ်များရှိ ရေဘေးသင့် ပြည်သူများကို အရေးပေါ် စားနပ်ရိက္ခာ ထောက်ပံ့ခြင်း၊ အရေးပေါ် ရွှေ့ပြောင်းပေးခြင်း၊ လူသားချင်း စာနာမှုအကူအညီများနှင့် ကျန်းမာရေးစောင့်ရှောက်မှု အချိန်မီရရေး ဆောင်ရွက်ခဲ့ဟု ဖော်ပြသည်။

ရေဘေးသင့် ပြည်သူအခြေအနေများ ဖော်ပြထားရာ ညောင်လေးပင်မြို့နယ်တွင် လူဦးရေ ၁၇,၀၀၀ ကျော်၊ ကျောက်တံခါးတွင် ၃၄၀ ကျော်၊ ဖြူးတွင် ၁၃,၀၀၀ ကျော်၊ အုတ်တွင်းတွင် ၁၇,၀၀၀ ကျော်၊ ထန်းတပင်တွင် ၁၀,၀၀၀ ကျော် နှင့် ရေတာရှည်မြို့နယ်တွင် ၃၀၀ ကျော်ရှိဟု အသိပေးသည်။

Public Service Announcement

Public Service Announcement

အကူအညီများ အချိန်မီရရှိနိုင်ရန် ပြည်သူ့ကာကွယ်ရေးအဖွဲ့ ၊ မြိုနယ် ပအဖအဖွဲ့၊ လူသားစာနာတာဝန်ခံများနှင့် ချိတ်ဆက်ကာ ထောက်ပံ့ပေးနေကြောင်း ဝန်ကြီးဌာနက ထုတ်ပြန်ခဲ့ပြီး ယခုကဲ့သို့ ပြည်သူမှပြည်သူသို ထောက်ပံ့နိုင်ရေးအတွက် ပြည်တွင်း၊ ပြည်ပမှ လှူဒါန်းပေးကြသည့် စေတနာရှင်၊ အလှူရှင်များကိုလည်း အထူးကျေးဇူးတင်ကြောင်း ထုတ်ပြန်သည်။

ကရင်အမျိုးသားအစည်းအရုံး(KNU)ညောင်လေးပင်ခရိုင်ရှိ ကျောက်ကြီး (လယ်ဒို)၊ မုန်း(မူး)မြို့နယ်များတွင်လည်း ရေကြီးရေလျှံမှုကြောင့် ကျေးရွာပေါင်း ၁၀၀ ကျော် ရေဘေးကြုံနေရပြီး လယ်ဧက သောင်းချီ ရေနစ်မြုပ်ပျက်စီးလျက်ရှိဟု KNUက အသိပေးထားသည်။

ကျောက်ကြီးတွင် ကျေးရွာပေါင်း ၈၀ မှ အိမ်ခြေ ၅၊၀၀၀ ကျော်မှ လူဦးရေ သုံးသောင်းနီးပါး ရေဘေး ကြုံနေရပြီး စာသင်ကျောင်းများလည်း ပိတ်ထားရသည်ဟု ဆိုသည်။ မုန်းမြို့နယ်တွင်လည်း ရွာပေါင်း ၅၀ကျော် ရေဘေးကြုံရကာ နေအိမ် ၁၄လုံးထက်မနည်း ရေထဲမျောပါသွားသည်ဟု KNUက ထုတ်ပြန်ထားသည်။

ဆက်စပ်သတင်းများ

သတင်း

မန္တလေးတိုင်းစစ်ဌာနချုပ်အောက်ရှိကာကွယ်ရေးတပ်ရင်းတပ်ဖွဲများအတွက်လိုအပ်သည့်ကာကွယ်ရေးပစ္စည်းများ ထောက်ပံ့ရန် ရည်ရွယ်ထားသည့် Road to Mandalay ထိုးစစ်ထောက်ပိုမန်းတိုင်းသို့ ကမ်ပိန်းတွင် ပါဝင်ပူးပေါင်းပေးရန် အမျိုးသားညီညွတ်ရေးအစိုးရ(NUG)၊ကာကွယ်ရေးဝန်ကြီးဌာနကယနေ့ နှိုးဆော်သည်။

သတင်း

အမျိုးသားညီညွတ်​ရေးအစိုးရ ယာယီသမ္မတနှင့် ပြည်​ထောင်စုဝန်ကြီးများ ​မြေပြင်သို့ကွင်းဆင်းပြီး​ပြည်သူများ ၊ ​တော်လှန်​ရေးရဲ​ဘော်များနှင့်​တွေ့ဆုံခဲ့သည်။

သတင်း

အမျိုးသားညီညွတ်ရေးအစိုးရပြည်ထောင်စုဝန်ကြီး ဒေါက်တာဇော်ဝေစိုးကတိုင်းပြည်အနာဂတ်သည်တအာင်းတပ်မတော်(TNLA) အထွေထွေ အတွင်းရေးမှူးချုပ် ဗိုလ်ချုပ်တားဘုန်းကျော်အပါအဝင် ခေါင်းဆောင်များ၏ ပုခုံးပေါ်ရောက်ရှိနေကြောင်း ပြောကြားခဲ့ရာ ဗိုလ်ချုပ်တားဘုန်းကျော်ကလည်း အတူတူ ပူးပေါင်းလုပ်ဆောင်ကြစို့ဟု တုန့်ပြန်ပြောကြားခဲ့သည်။

သတင်း

အမျိုးသားညီညွတ်ရေးအစိုးရ(NUG)ပြုပြင်ပြောင်းလဲရေး လုပ်ဆောင်ရမည်ကို အစိုးရအဖွဲ့ဝင်အားလုံးနားလည်ပြီး စွမ်းဆောင်ရည်တိုးတက်​​စေရန် နှင့် ကိုယ်စားပြုပါဝင်မှုမြင့်တက်​စေရန် ပြုပြင်ပြောင်းလဲမှုများလုပ်နေပြီဖြစ်ကြောင်း NUG ပြည်ထောင်စုဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ပြောသည်။