ဩဂုတ်−၂၀၊၂၀၂၅၊မေ/People’s Spring
မန္တလေးတိုင်း၊မြင်းခြံမြို့ကထွက်လာတဲ့စစ်တပ်စစ်ကြောင်းနဲ့ တော်လှန် ရေးပူးပေါင်းတပ်တွေ ဒီနေ့ဩဂုတ် ၂၀ရက်မနက်ပိုင်းက ထိတွေ့ တိုက်ပွဲဖြစ်ခဲ့တယ်လို့ တော်လှန်ရေးတပ်တွက ပြောပါတယ်။
ဇူလိုင်နောက်ဆုံးပတ်ကစပြီး မြင်းခြံမြို့နယ်မှာ အင်အား ၁,၀၀၀ကျော်နဲ့ စစ်ကြောင်းထိုးလာတဲ့ စစ်တပ်စစ်ကြောင်းဟာ မြင်းခြံမြို့နယ်အရှေ့ခြမ်းနဲ့ နွားထိုးကြီးမြို့နယ်အနောက်တောင်ခြမ်း ထိစပ်နယ်မြေကို ရောက်နေပါတယ်။ အဲဒီဒေသ လက်သမားကန်ရွာကို အခြေပြုတပ်စွဲပြီး စစ်ကြောင်းတွေထွက် နေတာလို့ သိရပါတယ်။
“ဒီမနက်က ၉နာရီလောက်မှာ ဒီနားပတ်လည်မှာပဲ တိုက်ပွဲဖြစ်တယ်။စကစဘက်က အထိခိုက်တော့ မသိရသေးဘူး။ကျွန်တော်တို့ဘက်က တော့မရှိပါဘူး။အခုကို ခေါင်းပေါ်လေယာဉ်ဝဲနေတယ်”လို့ တော်လှန်ရေးတပ်ဖွဲ့ ဝင်တဦးက ပြောပါတယ်။
Public Service Announcement
အဲဒီ စစ်ကြောင်းကြောင့် ကန်ဆင့်တောင်ရွာ၊ကန်ဆင့်မြောက်ရွာ၊တစိုး၊ လယ်သမားကန်ရွာအပါဝင် ဒီမြို့နယ်နှစ်ခုထိစပ်နေရာက ကျေးရွာပေါင်း ၂၀ လောက်ဟာ စစ်ဘေးရှောင်နေရတယ်လို့ သိရပါတယ်။
ဒါ့အပြင်လယ်သမားကန်ရွာနားကကျေးရွာ၃ရွာလောက်ကိုလည်း စစ်တပ်က တပ်စွဲထားသေးတယ်လို့ သိရပါတယ်။
အဲဒီစစ်ကြောင်းဟာရက်၂၀အတွင်းတစိုတစိုးရွာအနီးတောတိုက်နေ မိသားစု ၅လုံးစလုံးကို ဖမ်းဆီးသတ်ဖြတ်ထားပြီး နောက်ထပ် အသတ်ခံရတဲ့ ဒေသခံတွေလည်းရှိနိုင်သေးတယ်လို့ ဒေသခံတွေက ပြောပါတယ်။
