သြဂုတ်-၂၀၊၂၀၂၅/People’s Spring
စစ်ကိုင်းတိုင်း၊ မော်လိုက်မြို့နယ်က ပျူစောထီးခေါင်းဆောင် အဲပန်ဦးစီးတဲ့ ထော်သာကျေးရွာပျူစခန်းသိမ်းတိုက်ပွဲနဲ့ပတ်သက်ပြီး အမှတ်(၁)စစ်ဒေသက ဒီကနေ့ ဩဂုတ် ၂၀ရက်မှာ ထုတ်ပြန်ပါတယ်။
ပျူစောထီးခေါင်းဆာင် အဲပန်အပါအဝင် ပျူစောထီးတွေနဲ့ မိသားစုဝင်တွေ စုစုပေါင်း ၁၉၀ဦး ဖမ်းဆီးရမိခဲ့တယ်လို့ အသိပေးထုတ်ပြန်ပါတယ်။ ပျူစောထီးအဖွဲ့ဝင် ၂၀ခန့်လည်း ထွက်ပြေးသွားတယ်လို့ အမှတ်(၁)စစ်ဒေသက ဖော်ပြပါတယ်။
ဒါ့အပြင် ပျူစခန်းသိမ်းတိုက်ပွဲကနေ ၆၀ မမပြောင်းနဲ့ RPG အပါအဝင် လက်နက် ၂၃ လက်၊ ခဲယမ်းအချို့နဲ့ ကျပ်သိန်း (၁၅၀) ကျော်ကိုလည်း သိမ်းဆည်းရတယ်လို့ ဆိုပါတယ်။
Public Service Announcement
ထော်သာရွာစခန်း သိမ်းပိုက်နေစဉ်မှာ ချင်းတွင်းမြစ်ကြောင်းအတိုင်း စုန်ဆင်းလာတဲ့ ဖလက်ခွံယာဥ်တွေပေါ်က စစ်ကောင်စီတပ်ဖွဲ့ဝင် အင်အား ၁၃၀ခန့်နဲ့ တောင်းအင်ရွာက အင်အား ၅၀ခန့်ဟာ စစ်ကူပေးဖို့ အင်းတပေါင်းရွာဘက်ကို ထိုးစစ်ဆင်တိုက်ခိုက်ခဲ့ပေမယ့် ထော်သာရွာစခန်းကို အောင်မြင်စွာ သိမ်းပိုက်နိုင်ခဲ့တယ်လို့လည်း ဖော်ပြပါတယ်။
တိုက်ပွဲအတွင်းမှာ တံတားဦးလေတပ်က တက်လာတဲ့ Yak-130 (၁)စီးက ဗုံးနှစ်လုံးကြဲချတိုက်ခိုက်ခဲ့ပြီး စစ်ရေယာဉ်တွေပေါ်ကလည်း ဒရုန်းနဲ့ ဗုံးကြဲတိုက်ခိုက်ခဲ့တယ်လို့ ဆိုပါတယ်။
ထော်သာရွာစခန်းကို မော်လိုက်ခရိုင် တပ်ရင်း (၂၊ ၄)နဲ့ ဖောင်းပြင်မြို့နယ် ပကဖ ပူးပေါင်းအဖွဲ့တွေက ဩဂုတ် ၁၅ရက်မှာ သိမ်းပိုက်ခဲ့တာပါ။
