တပတ်တာထဲမှာ ထူးထူးခြားခြား ဖြစ်ခဲ့တဲ့ သတင်းတွေကို ပြောပြပေးမယ့် Myanmar Now ရဲ့ သတင်းအစီအစဉ်ကနေ ကြိုဆိုပါတယ်။
- အကျဉ်းကျခံနေရတဲ့ နိုင်ငံအတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နဲ့ ပတ်သက်ပြီး “ကျခံနေရတဲ့ ပြစ်ဒဏ်တွေကို သတ်မှတ်ထားတဲ့နေအိမ်မှာ ဆက်လက်ကျခံဖို့ ပြောင်းလဲ သတ်မှတ်ပေးလိုက်တယ်လို့” စစ်တပ်ထိန်းချုပ်ထားတဲ့ မြန်မာ့အသံနဲ့ ရုပ်မြင်သံကြားက ဧပြီလ ၃၀ရက်နေ့မှာ ကြေညာသွားပါတယ်။ စစ်တပ်ထုတ်ပြန်တဲ့ ရုပ်သံမှာ ဒေါ်အောင်ဆန်းစုကြည်ကို ဆံပင်ဖြူတွေနဲ့ တွေ့ရပြီး ပန်းရောင်အင်္ကျီ အရောင်ဖျော့ဖျော့၊ အနက်ရောင်အပေါ် အဖြူဖောက်ထားတဲ့ လုံခြည်နဲ့ မြင်တွေ့ရပါတယ်။
- တိုင်းရင်းသားလက်နက်ကိုင်အဖွဲ့တွေ နဲ့ ပြည်သူ့ကာကွယ်ရေးတပ်ဖွဲ့(PDF)တွေ စိုးမိုးထိန်းချုပ်ထားတဲ့ မြို့နယ်တွေအပါအဝင် မြို့နယ် ၆၀ ကို အရေးပေါ် အခြေအနေနဲ့ စစ်အုပ်ချုပ်ရေး ကျင့်သုံးသွားမယ်လို့ ဧပြီ ၂၃ ရက်စွဲနဲ့ အရပ်ဝတ်အသွင်ပြောင်း စစ်ခေါင်းဆောင် မင်းအောင်လှိုင်က ကြေညာလိုက်ပါတယ်။
- ချင်းပြည်နယ်ရဲ့ ဒုတိယမြို့တော်လဲ ဖြစ်၊ လေဆိပ်လဲ ရှိတဲ့ ဖလမ်းမြို့ကို လေကြောင်းနဲ့ မြေပြင်အင်အားအများအပြားနဲ့ ထိုးစစ်ဆင်နေခဲ့တဲ့ အာဏာသိမ်းစစ်တပ်ဟာ ဧပြီ၂၅ရက်မှာ ပြန်ထိမ်းချုပ်သွားနိုင်ခဲ့ပါတယ်။
- လူအသေအပျောက်အများဆုံး တော်လှန်ရေးတပ်အချင်းချင်း ပစ်ခတ်မှုဖြစ်လာတဲ့ ရှမ်းတောင် ဖယ်ခုံအခြေစိုက်တပ်တွေအကြား ပစ်ခတ်မှုကို ကရင်နီပူးတွဲစစ်ဦးစီးကော်မတီက စုံစမ်းနေကြောင်း ကရင်နီပြည်ကြားကာလအုပ်ချုပ်ရေးကောင်စီ က မြန်မာနောင်းကို ပြောတဲ့ သတင်းတွေကို တင်ဆက်ပေးသွားပါမယ်။
တင်ဆက်-သဇင်လှိုင် တည်းဖြတ်-မြတ်ကြီး
Myanmar Now ဆက်လက်ရပ်တည်နိုင်ရေးအတွက် လစဥ်ငွေအနည်းငယ်ဖြင့် /qurium/myanmar-now.org/mm-members.html တွင် ကူညီနိုင်ပါသည်။
