AXCP RH üzvü Fuad Qəhrəmanlı
Vaxtı ilə YAP vardı. Bu partiyanın adından hakimiyyətin siyasəti müdafiə olunurdu, arada bir büdcə təşkilatlarnın işçilərini zorla yığıb toplantılar keçirirdilər. Hətta çıxıb 750 min üzvlərinin olduğunu da deyirdilər. Düzdür, sonradan bu 750 min üzv söhbəti lətifəyə çevrildi və daha Səyavuşdan başqa onu deyib kimsə gülüş hədəfi olmaq istəmədi.
Ancaq məsələ bu da deyi. İlham Əliyevin idarəçiliyi təkcə müxalifətə münasibətdə aqrresivliyi ilə fərqlənmir, həm də, o, əvvəllər hakim partiya statusunda olan YAP-ın özünü belə qapı dalında qoyub, onu siyasi sistemdən kənarlaşdırıb. Bu gün kadr təyinatında YAP siyasi partiya olaraq demək olar ki, nəzərə alınmır. Ölkədə bu qədər hadisələr baş verir, ancaq heç bir məsələ ilə bağlı, bu partiyanın münasibəti ortada yoxdur. İnformasiya resurslarının heç birində YAP – n sözü eşidilmir, səsi gəlmir.
Milli Məclisə YAP adından təyin olunmuşların vaxtaşırı etdikləri məddah çıxışları isə, qətiyyən, bu partiyanın fəaliyyəti və ya sözü kimi qəbul etmək olmaz. Partiyanın mövqeyi, onun rəsmi toplantılarının qərarları əsasında ifadə edilən qərar və çıxışlarl, açıqlamalar və rəsmi sənədlərlə təqdim olunur . Aylarla Siyasi Şurasının toplantısı olmayan, yerli təşkilatları ayın axırında maaş gözləyən bir neçə nəfər ştatlı işçidən ibarət olan YAP-ı, bu gün siyasi meyid belə adlandırmaq olmaz. Çünki ortada meyid belə qalmayb, neçə illərdir ki, hakimiyyətin yaratdığı bataqlıqda çürüyüb gedib. Vaxtı ilə deyilirdi ki, hakimiyyət dəyişsə ideologiyası və mənəvi bağları olmayan YAP bir günə dağlıb gedəcək. Ancaq iş elə gətirdi ki, heç hakimiyyət dəyişmədən bu təşjilat dağılmalı oldu. Bu təkcə bir partiyanın süqutu deyil, həm də iqtidarın siyasi iflası və təməlləri in dağılması deməkdir.