İyulun 19-da Azərbaycan Xalq Cəbhəsi Partiyası (AXCP) Qaradağ Rayon Təşkilatının üzvü Elvin Məmmədovun Baş Prokurorluğunun Ağır Cinayətlərə Dair İşlər üzrə İstintaq İdarəsinə aparıldığı bildirilir.
Bu barədə Azadlıq Radiosuna AXCP-dən məlumat verilib. Partiyadan bildirildiyinə görə, O, iyulun 19-da səhər saatlarında Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə çağrılıb.
“ Baxmayaraq ki, O, bundan əvvəl polisə aparılsa da iyulun 18-də gecə sərbəst buraxılmışdı”,AXCP-den qeyd ediblər.
Oradan bildirildiyinə görə, Elvin Məmmədovla birlikdə iyulun 18-də haqqında həbs qəti imkan tədbiri seçilən partiyanın Rəyasət Heyətinin üzvü Asif Yusifli və başqa bir cəbhəçi Məmməd İmanlı( onun da iyulun 17-də saxlandığı açıqlanmışdı) da Ağır Cinayətlərə Dair İşlər üzrə İstintaq İdarəsinə gətirilib.
Elvin Məmmədlinin isə bundan əvvəl iyulun 15-də saxlandığı bildirilmişdi. AXCP mətbuat xidməti Elvin Məmmədivun saxlanıldığı müddətdə fiziki və mənəvi işgəncəyə məruz qaldığı haqqında məlumat yayıb:
“Elvin Məmmədovu elektrikə qoşub AXCP, sədr Əli Kərimli və Asif Yusifli əleyhinə ifadə verməyə məcbur ediblər. Məlumata görə, buna nail olmadıqlarından boş kağıza imza atdırıblar. İyulun 18-da gecə saatlarında onu evə buraxıblar. Səhərisi yenidən cəbhəçini “Bandotdel”ə (Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə aparıblar”.
AXCP-dən hazırda onun Ağır Cinayətlərə Dair İşlər üzrə İstintaq İdarəsində olduğu qeyd edilir.
Amma bu məlumata Daxili İşlər Nazirliyi (DİN) və başqa adı çəkilıən rəsmi qurumlardan münasibət almaq mümkün olmayıb. Amma DİN bir qayda olaraq polisdə vətəndaşlara işgəncə verilməsi ilə bağlı iddiaları əsassız sayır.
AXCP Rəyasət Heyətinin üzvü, Qarabağ savaşında əlil olan Asif Yusifli haqqında iyulun 18-də Nəsimi Rayon Məhkəməsində 2 ay 28 günlük həbs qəti imkan tədbiri seçilib. Ona qarşı Cinayət Məcəlləsinin 186.2.1 (Əmlaкı qəsdən məhv etmə və ya zədələmə, zərərçəкmiş şəxsə кülli miqdarda ziyan vurmaqla törədildiкdə), 233 (İctimai qaydanın pozulasına səbəb olan hərəkətlər təşkil etmə ) və 315-ci (haкimiyyət nümayəndəsinə zor tətbiq etmə) maddəsi ilə ittihamlar irəli sürüldüyü bildirilir.
İyulun 18-də Nəsimi Rayon Məhkəməsində AXCP-nin başqa bir fəalı Seymur Əhmədzadə haqqında da eyni qərar verilib. Ona qarşı da eyni ittihamlar irəli sürüldüyü deyilir. Son üç gündə bu partiyanın daha bir neçə üzvvünün saxlandığı bildirilir. Nə baş verib? İyulun 14-də Bakı şəhərində orduya dəstək yürüşü və Milli Məclisin qarşısında toplantı keçirilib. Gecə saatlarında bir qrup şəxs Milli Məclisə daxil olub. Polis əməkdaşları parlamentə girən şəxsləri oradan çıxararaq əraziyə toplananları uzaqlaşdırıb. Bu zaman polis suvuran maşınlardan və gözyaşardıcı qazdan istifadə edib.
Baş Prokurorluğun və Daxili İşlər Nazirliyinin mətbuat xidmətlərin yaydığı məlumata görə, hadisə ilə bağlı cinayət işi açılıb, araşdırma aparılır. Amma rəsmi qurumlar bu hadisələr zamanı konkret nə qədər şəxsin saxlandığını açıqlamayıblar. Hüquq müdafiəçiləri bu hadisələrla bağlı ümumilikdə 70-ə yaxın şəxsin saxlandığını ehtimal edirlər.Sonradan saxlananlardan bəziləri sərbəst buraxılıb. İyulun 15-də prezident İlham Əliyev də özünün sədrliyi ilə Nazirlər Kabinetinin 2020-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasdakı çıxışında da bu məsələyə toxunmuşdu. O, bunları demişdi:
“Mənə verilən məlumata görə, dünən (iyulun 14-də) bəzi müxalif qurumlar, o cümlədən Azərbaycan Xalq Cəbhəsinin nümayəndələri o kütlənin içinə girərək orada insanları qanunsuz əməllərə sövq etməyə çalışıblar…”. AXCP isə bəyanat yayaraq prezidentin bu dediklərini təkzib edib.
Azadlıq radiosu