FƏXRƏDDİN MEHDİYEV
Ekstremal vəziyyət qeyri-adi insanları, qəhrəmanları, necə deyərlər, papaq altında olan oğulları üzə çıxarır. Xalqımız Polad Həşimovu belə tanıdı. Öz yaşadığı mənzili şahid ailəsinə verən, nəcib əməlləri, sadə, ədalətli davranışı, əsgərlərinə doğma atalıq qayğısı göstərməsi ilə böyük hörmət və nüfuz qazanmış döyüş generalı. iyulun 14-15 gecə Bakının küçələrində Qarabağa azadlıq, Ordumuza dəstək şüarları ilə keçirilən ən möhtəşəm izdihamlı mitinqdə iştirak edənlərin içərisində onun əsgərləri də çox olub, həmin əsgərlər həm də öz qəhrəman komandirinə hörmət və ehtiramlarını göstəriblər. General Polad Həşimov və şəhidlərimiz öz adlarının əbədiləşdirirdilər. Onların adlarının əbədiləşdirlməsi isə cəmiyyət və dövlət üçün lazımdır . Bu qəhrəmanlıq, vətənpərvərlik nümunəsi əbədiləşməli və ən yüksək mükafatlarını almalıdır .
Şəhidlərimizin və general Polad Həşimovun qəhrəmanlığı vətənpərvərlik və insanlıq zirvəsi üçün ən yüksək nümunədir!
Ümidvarıq ki, bu nümunələr jurnalistlərin, yazarların zaman-zaman müraciət mövzusuna çevriləcək.
… Cəmiyyət də uşaq kimidir, o da yaxşı nümunələr əsasında tərbiyə olunmalıdır. Vətənpərvərlik mövzusunun çox böyük pozitiv enerjisi var. Bu mövzu təkcə döyüş vaxtlarında deyil, hər günün mövzusu olmalıdır. Çox təssüf ki, televiziyalarımız şou, sosial kriminal proqramlarla gecə-gündüz cəmiyyətə neqativ enerji püskürür, belə ülvi mövzular isə onlar üçün görünməz olub.
… Yazırlar ki, bir psixoloji tarixi metod var, bu metodun köməyi ilə müəyyən qüvvələr xalqın özünə inamını sarsıtmaq üçün xalqın tarixini, keçmişini qaralayır, qəhrəmanlarını isə ləkələyirlər. Bu tendensiya bizdə də mövcuddur. Son illər özünü “ ziyalı” kimi göstərib bəlağətlə Şah İsmail Xətaiyə , Babəkə, Rəsulzadəyə və digər tarixi şəxsiyyətlərə hücumlar edənlər görünür. Bu nəyə xidmət edir? Aydındır ki, bunlar xalqın mənafeyinə cavab vermir.
…Vətənpərvərlik mövzusunda əsərlər yaranır. Lakin bu əsərlərin dəyəri vaxtında qiymətləndirlmir. Nümüunə olaraq istedadlı yazar Meyxoş Abdullahın “Alagöz” və “Əsir qadın” əsərlərini Qarabağın erməni işğalı mövzsunda yazılan ən güclü əsərlər hesab etmək olar. “ Alagöz “ əsəri bəşəri bir mövzuya müharibənin qurbanına çevrilmiş “Alagöz” adlı atın taleyinə həsr olunmuşdur. Bu əsərin ekranlaşdırlması çox böyük hadisə olardı. Bildiyimə görə bir rejissor mövzunun aktuallığına görə əsəri ekranlaşdırmaq üçün çalışır, lakin maliyyə problemləri həll olunmayıb. Ümid edək ki, bu xeyirxah təşəbbüs reallaşacaq və əsər dünya məkanına çıxacaq.
…Peşə fəaliyyətimlə bağlı iki Qarabağ Qazisini müdafiə etmişəm: Asif Yusifli və Babək Həsənov . Hər ikisini günahsız hesab etdiyimdən bəraət hökmlərinin çıxarılması üçün bütün hüquqi vasitələrdən istifadə etmişəm. Hərçənd “qalibləri mühakimə etməzlər”. Onların hər ikisində vətən üçün özlərindən keçmək, vətən üçün özlərini qurban vermək istəyi, qabiliyyəti, qətiyyəti görmüşəm, görünür bu bütün Qarabağ qazilərinə , şəhidlərinə xas olan müqəddəs hisslərdir, başqa cür ola da bilməz. Deyiblər ki, “özünü düşünəndən qəhrəman olmaz.”
… Ədalət anlayışı haqqında çoxlu izahlar var. Böyük mütəfəkkir Cəlaləddin Ruminin izahı daha maraqlıdır. Ədalət nədir sualına onun cavabı belə olmuşdur. Ədalət odur ki, papaq başda, ayaqqabı ayaqda olsun. Bütün mənalarda bu mükəmməl ifadədir.
Əsas məsələ papaqadır. Və papaq altında olan oğullardır!