İyulun 20-də axşama qədər polis Xalq Cəbhəsi Partiyasının ən azı yeddi fəalını saxlayıb.
Axşama yaxın Mahir Namazov saxlanılıb. AXCP-dən Turan-a bildiriblər ki, onu küçədə saxlayaraq naməlum istiqamətə aparıblar.
Bazar ertəsi səhər Nicat Abdullazadə, Süleyman Məhərrəmli, Ayaz Məhərrəmli, Baba Süleyman və Ceyhun Novruzov saxlanılıblar.
AXCP-də qeyd ediblər ki, iyulun 15-də keçirilən aksiyadan sonra partiyanın 17 üzvü saxlanılıb. Dörd nəfər buraxılıb, biri isə polis nəzarətinə verilib.
Daha iki nəfərə qarşı cinayət ittihamı irəli sürülüb.
AXCP-nin məlumatına görə, polis iyulun 15-nə keçən gecə nümayiş zamanı iğtişaşlar hazırladıqları və parlamentin binasını ələ keçirməyi planlaşdırdıqları barədə onlardan etirafedici ifadə almağa çalışır. Bununla yanaşı, guya bu təxribatlara dair göstəriş partiya lideri Əli Kərimlidən gəlib. Polis bu həbslərə şərh etmir.
Xatırladaq ki, iyulun 15-də axşam prezident İlham Əliyevin məlum çıxışından sonra müxalifətçi “ovu”na başlanılıb. Dövlət başçısı deyib ki, AXCP üzvləri arasındakı bütün təxribatçıları aşkar etmək və nümayiş zamanı iğtişaşlara görə həbs etmək lazımdır.
Eyni zamanda, o faktiki olaraq etiraf edib ki, mitinq-yürüş kortəbii olub və xalqın erməni təcavüzünə qarşı ədalətli qəzəbindən irəli gəlib.
Contact.az