Bir qrup hüquqçu və ictimai fəal “Müdafiə xətti” adlı yeni hüquq müdafiə təşkilatının yaradıldığını elan edir.
“Müdafiə xətti” təsisçilər:
Rüfət Səfərovun
Rəşid Hacılının
Əlayif Həsənovun
Zəfər Əhmədovun
Sayğın Rüstəmlinin
Zaur Əkbərin və
Təzəxan Mirələmlinin iştirakı ilə 20 iyul 2020- ci ildə təşkilatın yaradıldığı barədə qərar verdilər.
Təsisçilərin yığıncağında Rüfət Səfərov “Müdafiə Xətti”nin icraçı direktoru seçildi.
Təşkilat cəmiyyətə xüsusi Manifestlə müraciət edir:
Müdafiə Xətti
Müdafiə xətti Azərbaycanda insan haqlarının qorunması və dəstəklənməsi, hüququn aliliyinin təmin edilməsinə yardım məqsədilə yaradılıb. Müdafiə Xəttinin hədəfi habelə, Azərbaycanda azad və ədalətli seçkilərin keçirilməsi, hakimiyyətlər bölgüsünün təmin edilməsi, hökumətin hesabatlılığı və şəffaflığın təmin olunması, vətəndaş cəmiyyətinin inkişaf etdirilməsi, vətəndaş fəallığının yüksəldilməsi yolu ilə bütünlükdə demokratiyanın inkişaf etdirilməsidir.
Müdafiə xətti qeyri-siyasi və qeyri dini birlikdir.
Müdafiə Xəttinin insan haqları sahəsində əsas fəaliyyət istiqamətləri:
- Azərbaycanda insan haqları pozuntularının Monitorinqi və Sənədləşdirilməsi;
- Azərbaycanda İnsan haqları pozuntularıyla bağlı məhkəmə çəkişmələrində hüquqi yardım və sair dəstək;
- Azərbaycanda ciddi hüquq pozuntularına məruz qalmış şəxslərə psixoloji yardım göstərilməsi və onların ən zəruri ehtiyacları ilə bağlı maddi dəstəklənməsi üçün ianə toplanışı və yardımları təşkil etmək;
- Azərbaycanda insan haqlarının durumu barədə müntəzəm olaraq Hesabatlar hazırlanması, həm ölkəçi hökumət və civil toplum qurumların, vətəndaşların, həm də Azərbaycanda insan haqlarının təmin edilməsində maraqlı olan beynəlxalq qurumların diqqətinə çatdırılması;
- Həm milli, həm də beynəlxalq institutular qarşısında insan haqları sahəsində qanunvericilik və siyasət islahatlarını dəstəkləmə və lobbi işi;
- Azərbaycanda insan haqlarının durumu barədə gündəlik xəbər, açıqlama və rəylər yaymaqla ictimai məlumatlılığın yüksəldilməsi;
- İnsan haqları müdafiəçiləri, fəallar, jurnalist və bloqqerlər arasında insan haqlarının müdafiəsi sahəsində səylərin əlaqələndirilməsi və birgə layihələrin həyata keçirilməsi məqsədilə şəbəkələşmə.