Əliyevlər hakimiyyəti bu il iyulun ortalarından AXCP-yə qarşı yeni repressiya dalğasına başlayıb. Bu sənəd hazırlanana qədər yeni dalğada partiyadan 26 nəfər həbs edilib. Onlardan 15 nəfərinə cinayət işi açılıb və 14 nəfərin barəsində həbs qətimkan, 1 nəfər barəsində polis nəzarətinə verilmə qətimkan tədbiri seçilib. 11 nəfərə isə inzibati həbs cəzası verilib. Cinayət məsuliyyətin cəlb oluanalardan 5 nəfəri partiyanın rəhbər şəxsi – Rəyasət Heyətinin üzvləridir.
Bu dalğada saxlanılanların ümumi sayı isə 40 nəfərə qədərdir. Saxlanılanların bir qismi sonradan sərbəst buraxılıb. Saxlanılmalar isə hər gün davam edir.
Bu dalğaya qədər AXCP-nin 10 nəfər siyasi məhbusu var idi.
Həbslər necə başladı?
İyulun 12-də Tovuz istiqamətində Ermənistan silahlı qüvvələrinin hücumu nəticəsində döyüşlərin başlaması və Azərbaycanın biri general olmaqla 12 şəhid verməsi ilə bağlı iyulun 14-15-də Bakıda orduya dəstək məqsədli yürüş və Milli Məclisin binası qarşısında mitinq keçirillib, mitinqdə hakimiyyət oqranlarının hazırladığı daha çox ehtimal edilən təxribat baş verib və bir qrup Milli Məclisin foyesinə daxil olub. İyulun 15-də ölkə başçısı İlham Əliyev hökumətin videokonfrans formatlı iclasında bu hadisədən danışarkən təxribatın məsuliyyətini heç bir əsas olmadan AXCP-nin üzərinə atıb, partiyaya qarşı növbəti dəfə nifrət çıxışı edib və açıq mətnlə partiya üzvlərinin həbsinə göstəriş verib. Bununla da AXCP-yə qarşı repressiya başlayıb.
Amma buna qədər də Tovuz döyüşləri ilə bağlı sosial şəbəkədəki müzakirələrdə fəal iştiraklarına görə 2 nəfər partiya üzvü – Arif Paşayev və Elvin Bəhramov (Bəhmənoğlu) saxlanılaraq inzibati həbsə məhkum edilib.
İlham Əliyev iyulun 21-də publika qarşısında növbəti çıxışında hüquq-mühafizə orqanlarına faktiki istiqamət verib ki, AXCP-yə qarşı repressiyanı genişləndirsinlər və həbs edilən partiya üzvlərini daha ağır cinayətlərdə ittiham etsinlər. Bundan sonra AXCP Rəyasət Heyətinin həbs edilən üzvləri Fuad Qəhrəmanlı və Məmməd İbrahim deyilən təxribatla bağlı CM-nin 3 maddəsilə başlanmış cinayət işindən əlavə dövlət çevrilişinə cəhddə də ittiham olunub.
Repressiyanın məqsədi və Əliyevin nifrət çıxışları
AXCP-nin növbəti dəfə ağır repressiyaya məruz qoyulması İlham Əliyevin ölkədə real müxalifəti tamamilə yox etmək istəyindən qaynqlanır. İlham Əliyev uzun illərdir bu partiyaya qarşı yürütdüyü düşmənçilik siyasətini bu ilin martından açıq ifadə etməyə bşladı. Martın 19-da Novruz bayramı ilə bağlı xalqa müraciətində açıq mətnlə AXCP-ni və Demokratik Qüvvələrin Milli Şurasını (Milli Şura) düşmən adlandırdı, bu təşkilatların və onların rəhbərlərinin ünvanına aşağılayıcı ifadələrlə nifrət yağdırdı. Sonrakı çıxışlarında da eyni ritorikanı davam etdirdi. İham Əliyevin bu çıxışları AXCP/Milli Şuraya qarşı repressiyanın başlanacağından xəbər verirdi və zamanında partiya bunu belə də qiymətləndirdi. AXCP öz proqnozunda yanılmadı. İlham Əliyevin martdakı nifrət çıxışından dərhal sonra Milli Şura Koordinasiya Mərkəzinin üzvü Tofiq Yaqublu həbs edildi. Ardınca AXCP fəalları müxtəlif bəhanələrlə inzibati həbs cəzasına məhkum edilid. Partiyanın 3 fəalı – Zamin Salayev, Niyaməddin Əhmədov və Səid Məmmədzadə (Bakuvi) isə qurama ittihamlarla cinayət məsuliyyətinə cəlb edildi. Z.Salayev məhkəmənin hökmü ilə 2 il 3 ay müddətinə azadlıqdan məhrum edilib. N.Əhmədov istintaq təcridxanasında, S.Məmmədzadə isə ev dustaqlığındadır.
Bunlardan başqa İlham Əliyevin ilk nifrət çıxışından az sonra AXCP sədri Əli Kərimli internet-kommunikasiya blokadasında alınıb və 100 gündən artıqdır ki, bu vəziyyətdədir.
AXCP-dən hakimiyyətin yarıtmaz idarəçiliyinə qarşı prinsipial tənqidçi mövqedə durmağının, xalqın sözünü deməsinin, millətin maraqlarını güzəştsiz müdafiə etməsinin qisası alınır. Hakimiyyət AXCP-ni təşkilatlanma bacarığı, narazı elektoratı səfərbər etmə imkanları və artan nüfuzu ilə özünün avtoritar idarəçiliyinə böyük təhlükə görür və hazırkı repressiya da bununla bağlıdır.
AXCP-nin şərlənməsi
14-15 iyul Qarabağ və orduya dəstək mitinqində baş verənlərə görə AXCP-nin ittiham olunması ona qarşı dövlət başçısı səviyyəsində atılan şərdir. AXCP həmin aksiyaya sırf aksiynının vətənpərvərlik məramına görə dəstək verib. Ancaq aksiyada partiya olaraq iştirak etməyib. Aksiyaya az sayda partiya üzvü qatılıb, onlar da heç bir qanunsuz hərəkətə yol verməyib. Aksiyanın gedişi zamanı AXCP sədri özünün feysbuk səhifəsində müraciət dərc etdirərək, hakimiyyət orqanlarını və aksiya iştirakçılarını hadisələrin dinc və hər hansı problem yaranmadan başa çatmasını təmin etməyə çağırıb. Partiya rəhbərliyindən aksiyada yalnız Qarabağ qazisi Asif Yusifli iştirak edib, o da elə aksiyanın gedişində canlı yayımla verdiyi müsahibədə özünün və ora gələn dostlarının Qarabağdan başqa tələb və məqsədlərinin olmadığını bəyan edib.
Milli Məclis təxribatından AXCP-yə qarşı repressiya üçün bəhanə kimi istifadə olunduğu (bu təxribatın məhz AXCP-yə divan tutmaq üçün hazırlandığı versiyasını kənara qoysaq belə) həmin aksiyada ümumiyyətlə iştirak etməmiş cəbhəçilərin də həbs edilməsindən daha aydın şəkildə görünür. Məsələn, AXCP Rəyasət Heyətinin həbs edilmiş üzvlərində 4-ü həmin aksiyada olmayıb.
Başqa tərəfdən, 14 iyul mitinqindən artıq iki həftə vaxt keçsə də, hökumət bu müddətdə həbs etdiyi cəbhəçilərin hansısa zorakılıq və təxribatda iştirakını sübut edən bircə dənə də foto və video görüntü ortaya qoya bilməyib. Çünki belə şey olmayıb. Onların günahsızlığını sübut edən faktlar isə ortadadır.
İşgəncə məlumatları
Həbs edilən AXCP üzvlərinə özlərinin və başqa partiyadaşlarının, o cümlədən partiyanın sədri Əli Kərimlinin əleyninə istintaqın istədiyi yalan ifadələrə imza atmaları üçün ağır işgənclərin veriliyi haqda inandırıcı məlumatlar daxil olur. Həbs edilənlər Dölət Təhlükəsizlik Xidmətinə və DİN-in Mütəşəkkil Cinayətkarlıqla Mübarizə İdarəsinə (“bandotdel”) aparılır. Onlara işgəncə verildiyi xəbərini inandırıcı edən həm də ilk vaxtlardan vəkilləri ilə görüşə imkan yaradılmamasıdır.
AXCP tələb edir
AXCP bəyan edir ki, bu repressiya da onu xalqın maraqlarını qorumaq işindən, ölkəmizdə demokratiya və azadlıqları bərqərar etmək naminə mübarizədən saxlaya bilməyəcək. Nə qədər ağır olsa da, partiya toparlanmaq və haqlı mübarizəsini davam etdirmək əzmindədir. AXCP öz mübarizəsində hər zaman olduğu kimi, yenə də siyasi mədəniyyət və sivil rəqabət prinsiplərinə sadiqdir, millətin və dövlətin mənafelərini bütün başqa maraqlardan üstün tutur. AXCP öz prinsipinə sədaqətini Tovuz döyüşləri başlayanda bütün gücü ilə dövlətin və ordunun yanında olduğu, hətta hakimiyyətə qarşı tənqidlərə ara verdiyini partiya sədri səviyyəsində bəyan etməklə bir daha göstərdi.
Hakimiyyət dərk etməlidir ki, AXCP-yə və ümumən Qarabağ şüarı ilə meydana çıxmış insanlara qarşı repressiya milli maraqlarımıza zərbədir,d Azərbaycanı düşmən ölkə qarşısında zəif duruma salır. Bu, xalqla arasındakı uçurumu dərinləşdirməklə hakimiyyətin özünə də ziyandır. Hakimiyyət bu absurd repressiyanı dərhal dayandırmalı, həbs edilən günhasız insanları azadlığa buraxmalı, cəmiyyətdə gərginlik və parçalanmanı aradan qaldıracaq başqa addımlar atmalıdır.
AXCP-nin məhbusları
Yeni həbs edilənlər:
a) Cinayət işi açılanlar
- Fuad Qəhrəmanlı, Rəyasət Heyətini üzvü – CM-nin 315, 186.2.1, 233-cü və 278-ci maddələri ilə ittiham olunur, barəsində həbs qətimkan tədbiri seçilib.
- Məmməd İbrahim, Rəyasət Heyətinin üzvü – CM-nin 315, 186.2.1, 233-cü və 278-ci maddələri ilə ittiham olunur, barəsində həbs qətimkan tədbiri seçilib.
- Asif Yusifli, Rəyasət Heyətinin üzvü – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- Bəxtiyar İmanov, Rəyasət Heyətinin – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- Ayaz Məhərrəmli, Rəyasət Heyətinin üzvü – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- Ramid Nağıyev, partiya fəalı – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- Seymur Əhmədov, partiya fəalı – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- İsmayıl Həsənov, partiya fəalı – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- Baba Süleymanov, partiya fəalı – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- Ceyhun Novruzov, partiya fəalı – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- Məhəbbət Nağıyev, partiya fəalı – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- Telman Seyfullayev, partiya fəalı – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
- Məhəmməd İmanlı, partiya fəalı – CM-nin 139.1-ci maddəsi ilə ittiham olunur, barəsində həbs qətimkan tədbiri seçilib.
- Mehdi İbrahimov, RH üzvü Məmməd İbrahimin oğlu, siyasi girov – CM-nin 139.1-ci maddəsi ilə ittiham olunur, barəsində həbs qətimkan tədbiri seçilib.
- Elvin Məmmədov, partiya fəalı – CM-nin 315, 186.2.1, 233-cü maddələri ilə ittiham olunur, barəsində həbs qətimkan tədbiri seçilib.
b) İnzibati həbs olunanlar
- Nicat Abdullayev
- Mahir Namazov
- Süleyman Məhərrəmli
- Fərrux Əliyev
- Elxan Nuriyev
- Arif Paşayev
- Elvin Bəhramov (Bəhmənoğlu)
- Elnur Yusubov
- Sarvan Cumayev
- Rəşid Turabov
- Elnur Həsənov
Hazırda siyasi məhbus həyatı yaşayanlar:
- Aqil Məhərrəmi
- Babək Həsənov
- Saleh Rüstəmli
- Orxan Baxışlı
- Fuad Əhmədli
- Ziya Əsədov
- Elçin İsmayıllı
- Zamin Salayev
- Paşa Umudov
- Nİyaməddin Əhmədov