Çingiz Sultansoy
Belarusda ağır siyasi şərtlər çərçivəsində keçirilən prezident seçkisində əvvəllər qeydə alınmamış xeyli müsbət dəyişiklik var. Öncəliklə qeyd edim ki, bizim ölkənin siyasi şəraiti və seçkiləri üçün Belarus post-sovet məkanında ən uyğun ölkələrdən biridir. Orada baş verənlər müsbət dəyişikliklər bizim ölkədə ictimai dünyagörüşə və siyasi fəallığa müsbət təsir edə bilər. Bu baxımdan Erkin Qədirlinin əsassız fikirlərini boş verin. Əslində onun mürtəce fikirlərini bəyənənlərin sayına baxıb sevinmək lazımdır ki, cəmiyyətdə diktaturadan mədət umanların sayı azdır.
Ümumiyyətlə, Belarus müxalifətinə post-sovet məkanında ən yaxın dissident qrupları Ukrayna, Gürcüstan, Baltik ölkələrlə yanaşı Azərbaycanda olub. Təfərrüatlara varmıram. Beynəlxalq siyasi münasibətlər sisteminə Zahid Orucun dərnəyi səviyyəsində baxmağı da REAL-ın öz ixtiyarına buraxaq. Belə primitiv yanaşmalar siyasi fəaliyyəti gözdən salmağa xidmət edir, ciddiyəti aradanq aldırır.
Üzüldüyüm yeganə məsələ onun fikirini bəyənənlər arasında Belarusdakı siyasi repressiyalardan xəbərdar olan dostlarımı görməkdir. Bu təəsüf doğurur.
Beləliklə, bizim ölkənin siyasi mühiti və seçki prosesi üçün maraqlı olan dəyişikliklər aşağıdakılardır:
1) Ölkə üzrə 100-dən artıq seçki məntəqəsində səslərin sayılması dürüst qaydada aparılıb və seçki komissiyası üzvləri saxtakarlığa imkan verməyiblər. Bu məntəqələrdə qeydə alınmış protokollar üzrə Tixanovskaya ya qalib gəlib, ya da böyük üstünlüyü var.
2) Bəzi seçki məntəqələrində isə komissiya üzvləri saxta protokolları imzalmaqdan imtina ediblər. Həmin protokolların möhürü məntəqədə vurulmayıb.
3) Polisin zorrakılığı Minskdə qabarıq biruzə versə də, əvvəlki seçkilərlə müqayisə də saxlanılanların sayı azdır. Bəzi şəhərlərdə isə dünən polis aksiyaları dağıtmağa müvəffəq olmadı. Ya güc strukturları da yorulub, ya da əhalinin təpikisi kütləviləşib.
4) Hazırda müzakirə olunan mövzulardan biri dövlət müəssisələrində işçilərin tətilləridir. Artıq Metallurgiya Zavodu fəhlələri tətil edirlər. Proses xaotik şəkildə gedir, amma ictimai narazılığın ifadəsidir.
5) Əhalinin seçkidə kütləviliyi hökümət üçün gözlənilməz olub. Xeyli insan dünən səs verə bilməsə də, məntqələri tərk etməyib və nəticələrin şəffaf hesablanmasını tələb edib. Onlarla seçicini məhz bu tələbinə görə məntəqədə həbs ediblər.
6) Polis zorrakılığı, yaralanan və ölən ictimai fəal Lukaşenkoya milli nifrəti artırıb, ölkədə ciddi hüzn yaşanır.
7) Etirazları idarə edəcək siyasi liderlər və ictimai fəalların əksəriyyəti həbsədir, ya da həbsdən yayınmaq üçün gizlənirlər. Amma saxtakarlığa təpkilər ictimai xarakter daşıyır. Dünənki aksiyalar da spontan xarakterdə idi.
Mövcud situasiyada təklif vermək çətindir. Amma müxtəlif qruplar kollektiv şəkildə liderliyi üzərinə götürüb dinc aksiyalara başlasa, ölkədə ən azı siyasi situasiyanı dəyişmək ən yaxşı halda isə ikinci tur seçkilərə nail olmaq olar. Anar Mammadli