Azərbaycandakı son hadisələrlə bağlı media təmsilçilərinin müraciəti
COVİD-19 dövründə Azərbaycanda insan haqlarının durumu daha kəskin pisləşib. Tovuzda, Azərbaycan-Ermənistan sərhəddində baş verən, general da daxil olmaqla bir neçə hərbçimizin və bir mülki vətəndaşın həlak olduğu münaqişədən sonra hakimiyyət siyasi rəqiblərinə qarşı hücuma keçib.
Xüsusilə iyulun 14-də Orduya və dövlətə dəstək şüarları ilə başlanan dinc küçə yürüşü iştirakçılarından bəzilərinin Parlamentin binasına girməsindən sonra aksiyanın zorakı üsullarla dağıdılması bütün bunların provokasiya nəticəsində baş verdiyi qənaətinə gəlməyə əsas verir. Çünki bu hadisədən sonra ölkə başçısı İlham Əliyev həmin olayları təxribat adlandıraraq onları AXCP-nin və Milli Şuranın dövlət çevrilişi məqsədi ilə təşkil etdiyini deyərək hüquq mühafizə orqanlarına mesaj yolladı. Prezidentin çıxışından sonra hələ də davam edən həbs prosesi başlandı.
Həmin gecə həmkarlarımızın şəhərin müxtəlif yerlərindən açdığı canlı yayımlarda nə dövlət, nə də hakimiyyət əleyhinə şüarlar səslənməyib, əksinə dəstək şüarları olub. Belə bir dinc aksiyanı dövlət çevrilişinə cəhd kimi qiymətləndirmək həm də xalqın birliyinə zərbə vurmaqdır. Bu addım pandemiya dövründə gündəmə gətirilən və xalqa ünvanlanan “Biz birlikdə güclüyük” şüarı ilə daban-dabana ziddir, birliyi sarsıdan, Azərbaycanda dəbdə olan “düşmən dəyirmanına su tökmək” deyiminə xidmətdir.
Həbs olunanlara ağır cinayət ittihamı vermək, yürüşdə iştirak etməyənlərə belə hakimiyyəti zorla ələ keçirmək maddəsilə cinayət işi açmaq hansı ağılın məhsuludur? Siyasi rəqabət iddiasını sonraya saxlayıb çətin situasiyada dövlətin yanında olmaq, ölkənin ərazi bütövlüyünə təhlükə yarandığı üçün küçələrə çıxıb Orduya dəstək vermək nə vaxtdan cinayət sayılıb?
Üstəlik, saxta ittihamlarla tutulanlardan ailələrinin yaxınlarından günlərlə xəbərsiz qalması, vəkillərin belə onlarla görüşünə icazə verilməməsi həbs edilərinin hüquqlarının kobudcasına pozulmasıdır. Orduya dəstək üçün küçələrə çıxdığına görə adamlara tutulub işgəncə verilməsi barədə xəbərlərin yayılması isə ölkənin imicinə ciddi zərbədir. Pandemiya adıyla medianın informasiya almaq hüququnun məhdudlaşdırılması, jurnalistlərin dolğun və qərəzsiz informasiya almaq imkanlarının yox edilməsi azad sözün susdurulmasına xidmət edir, indi əssassız deyib təkzib olunan şayiələrin yaranmasına səbəb olur.
Biz, media təmsilçiləri olaraq ölkədə insan hüquqlarının pisləşməsindən narahatlığımızı bildirməklə yanaşı, hakimiyyəti repressiyalara son qoymağa, sərbəst toplaşmaq və ifadə azadlıqlarına hörmətlə yanaşmağa, Qarabağın işğaldan qurtarılmasına dəstək yürüşünə görə tutulan günahsız insanları dərhal azad etməyə çağırırıq.
İmzalar:
- 1. Mehman Əliyev, Turan İA
- 2. Şahin Rzayev, jam-news.net, siyasi şərhçi
- 3. Xaliq Bahadır, analitik
- 4. Xədicə İsmayıl, araşdırmaçı jurnalist
- 5. Aygün Aslanlı, jurnalist
6.Şahvələd Çobanoğlu, jurnalist
7.Elnur Astanbəyli, yazar
8.Şəmşad Ağa, arqument az
9.Böyükağa Ağayev, jurnalist
10.Ramin DEKO, jurnalist
11.Natiq Cavadlı, jurnalist
12.Kamran Mahmudov, jurnalist 13.Xalid Ağaliyev, Media Hüququ Qrupu
14.Hafiz Babalı, araşdırmaçı jurnalist
15.Aytən Fərhadova, jurnalist
16.Alya Yaqublu, jurnalist
17.Fikrət Fərəməzoğlu, jam.az
18.Vidadi Məmmədov, jurnalist
19.Elçin Rüstəmli, jurnalist
20.Nazlı Ağayeva, jurnalist
21.Qadir İbrahimli, iqtisadçı jurnalist
22.Vüqar Qurdqanlı, az24saat.org 23.Esmira Cavadova, jurnalist 24.Fizzə Heydərova, jurnalist
25.Rövşən Hacıbəyli, jurnalist
26.Səbuhi Qafarov, jurnalist - 27.Natiq Ədilov, jurnalist
- 28.Alı Rza, “Azadlıq” qəzeti
- 29.Vəfa Fərəcova, jurnalist
- 30.Azər Z. Tağızadə, jurnalist
- 31.Aydın Canıyev, jurnalist
- 32.Arzu Abdulla, jurnalist
- 33.Mustafa Hacıbəyli, basta.info
- 34.Cəmil Məmmədli, jurnalist
- 35.Ruslan Qara, jurnalist
- 36.Xəyal Şahinoğlu, jurnalist
Siyahı açıqdır, imzalayan həmkarlarımız adlarını əlavə edə bilərlər.