Hüquq müdafiəçisi Oqtay Gülalıyevin oğlu Təbriz Gülalıyev mayın 25-də axşam yol-nəqliyyat qəzasına düşüb. O, avtomobilin sükanı arxasında olub və qarşıdan gələn avtomobillə toqquşub.
“Qarşıdan gələn avtomobil məhdudlaşdırıcı xətti keçdi və biz toqquşduq”, – Gülalıyev bildirib.
Onun burnu sınıb, kəllə-beyin xəsarəti alıb. Həkimin sözlərinə görə, başın sol tərəfində şişkinlik müşahidə olunur. Diz nahiyəsi zədələnib. Vəziyyəti orta ağırdır.
Təbriz Gülalıyev TƏBİB-in yardımı ilə saat 22.20-yə yaxın Bakı Sağlamlıq Mərkəzinə gətirilib.
Milli Şuranın Koordinasiya Mərkəzinin üzvü Tofiq Yaqublu isə fb səhifəsində qeyd edib ki, təcili yardım maşını Təbriz Gülalıyev bu cür ağır vəziyyətdə əvvəlcə Sabunçu Xəstəxanasına, sonra Əfəndiyev Xəstəxanasına, daha sonra Neftçilər Xəstəxanasına və nəhayət Respublika Xətəxanasına aparsa da, heç biri qəbul etməyib. Yalnız Turan İA-nın rəhbəri Mehman Əliyev işə qarışıb TƏBİB-lə əlaqə yaratdıqdan sonra, onu Bakı Sağlamlıq Mərkəzinə qəbul ediblər: “İndi anası Firuzə xanım onun yamnndadır. İlham Əliyevin səhiyyə sisteminin vətəndaşlara, xüsusən də Gülalıyevlər ailəsinə qarşı neçə qəddar davrandığı göz önündədir”.
Contact.az