“Faktla bağlı sülhməramlı kontingentinin komandanlığı Ermənistan və Azərbaycan tərəfləri ilə birlikdə araşdırma aparır…” “Ötən gün ərzində atəşkəsin ciddi şəkildə pozulması baş verməyib. Bununla belə, 9 avqust saat 17.45-də(Moskva vaxtı ilə-S.L.) Şuşa yaşayış məntəqəsi ərazisində Dağlıq Qarabağın silahlı birləşmələri ilə Azərbaycan silahlı qüvvələri arasında atıcı silahlar vasitəsilə atışma qeydə alınıb”. Bu, Rusiya Müdafiə Nazirliyinin saytında Azərbaycan torpaqlarında rəsmən sülhməramlı kimi yerləşdirilmiş Rusiya hərbi kontingentinin fəaliyyətinə dair bölməsində avqustun 10-da, Bakı vaxtı ilə saat 20:00-də yayılmış məlumatdandır. “Rusiya sülhməramlılarının səyləri ilə atışma dayandırılıb, itki yoxdur. Faktla bağlı Rusiya sülhməramlı kontingentinin komandanlığı erməni və Azərbaycan tərəfləri ilə birlikdə araşdırma aparır”- məlumatda daha sonra belə deyilir.