Hüquq müdafiəçisi Oqtay Gülalıyevin vəziyyəti stabildir, o, hələ də xəstəxanada saxlanır.
Bu barədə onun həyat yoldaşı Firuzə Gülalıyevə məlumat verib. Onun sözlərinə görə, dünən, avqustun 11-də O.Gülalıyevdən qan analizi götürülüb: “Nəticələr göstərib ki, Oqtayın ağciyərlərində infeksiya var. Bundan əlavə, qarın boşluğunda da infeksiyası mövcuddur. Bu gün, avqustun12-də digər analizlər də götürüləcək”.
O qeyd edib ki, hüquq müdafiəçisinin əlləri və ayaqları şişib. “Həkimlər dedi ki, Oqtaya fizioterapiya lazımdır. Lakin bu xəstəxanada fizioterapevt yoxdur. İndi bu məsələni həll etməyə çalışırıq”.
Hüquq müdafiəçisi hazırda Ege Hospitalda müalicə alır. Həmin xəstəxananın rəhbərliyindən bu deyilənlərə, hələlik, münasibət almaq mümkün olmayıb.
Azadlıq radiosu