Bu gün Bakı Apelyasiya məhkəməsində “Qarabağ yürüşü”nə görə həbs olunanların apelyasiya şikayəti üzrə məhkəmə iclası keçirilib. AXCP Rəyasət Heyətinin üzvləri Fuad Qəhrəmanlı, Məmməd İbrahim, Bəxtiyar İmanov və Ayaz Məhərrəəmovun daxil olduğu qrupun apelyasiya şikayətinə hakim Qədim Babayevin sədrliyi ilə baxılır. İlkin baxış iclasında vəkillərin və təqsirləndirilən şəxslərin iki vəsatəti müzakirə olunub. Birinci vəsatət cinayət işinə bəraətverici əsaslarla xitam verilməsi, digər vəsatət isə birinci vəsatət təmin olunmayacağı təqdirdə məhkəmənin istintaqla keçirilməsi barədə olub. Hər iki vəsatət əsassız hesab edilib təmin olunmayıb. Bundan sonra təqsirləndirilənlərdən Fuad Qəhrəmanlı vəsatətin əsassız hesab edilməsinə görə ironik çıxış edərək vəkillərin cərimələnməsini istəyib. Məhkəmə baxış iclası avqustun 26-na təyin olunub.