AXCP Rəyasət Heyətinin üzvü Fuad Qəhrəmanlı
- Yeganə ölkəyik ki, qalmağa evi olmayan, ev tutmağa pulu belə yetmədiyi üçün dostu ilə birgə mənzil kirayələməyə məcbur olan adamı terroru maliyyələşdirməkdə ittiham edirlər.
- Yeganə ölkəyik ki, ortada terror və terrorçu olmadığı halda adamı terroru maliyyələşdirməkdə günahlandırırlar.
- Yeganə dövlətik ki, bu ölkədə 3-4 min manatla terroru maliyyələşdirmək idda olunur.
- Yeganə ölkəyik ki, terrorun kimə – əhaliyə və ya hansısa şəxslərə qarşı ediləcəyi müəyyən edilmədən, torror planlaşdırıldığı iddia edilir.
- Yeganə ölkəyik ki, terrorçunun üstütündən nəinki tapança, heç bıçaq da tapılmır.
- Yeganə ölkəyik ki, istintaq yolu ilə baş terrorçu kimi sübut olunan şəxs illərdir Almaniyada əl qolunu sallayaraq leqal şəkildə yaşayır.
- Yeganə ölkəyik ki, terroru maliyyələşdirən şəxs demokratiya, qanunların aliliyi, dinc siyasi mübarizə tərəfdarı olan leqal siyasi partiya üzvüdür və bütün fəaliyyəti də dinc, svil mübarizəyə həsr olunub.
Bütün bunları nəzərə alaraq Niyaməddin Əhmədovun fəaliyyətində hər hansı cinayət tərkibi olmadığını və istintaqın mötəbər dəlillərə əsaslanmadığını nəzərə alaraq ona bəraət verilməsini qərara alıram.