“DTX rəisi Eldar Mahmudov, Baş prokuror Zakir Qaralovdur”
Rüfət Bəkirov adlı vətəndaş saytımıza yazararaq müraciətinin ölkə başçısına çatdırılmasını istəyib. O, düz 4 il əvvəl baş vermiş bir insidentə görə haqq işinin qalib gəlməsi üçün mübarizə apardığını bildirib. DTX-da işləyən bir texniki işçinin necə canfəşanlıqla qorunmasından şikayətlənib.
DTX əməkdaşı küçədə vətəndaşı vurub
Rüfət Bəkirov 2017-ci sentyabrın 24-də 90 VE 712 dövlət qeydiyyat nömrə nişanlı “Hunday accent” avtomobili ilə Nizami rayonu Qara Qarayev prospektində hərəkətdə olarkən əvvəlcədən tanıdığı İlahə Əhmədəliyeva adlı şəxsin 90 RT 542 nömrə nişanlı “Honda GR” markalı avtomobillə hərəkət etdiyini görür və ona yol verir. Bir qədər hərəkət etdikdən sonra tixac olduğuna görə Rüfət Bəkirov yenidən İlahə Əhmədləyevanın sürdüyü maşını keçməyə məcbur olur. Bu zaman maşında əyləşən tanımadığı şəxs ona əl işarəsi ilə saxlamağı bildirir. Rüfət öz avtomobilindən düşəndə həmin tanımadığı şəxslə aralarında mübahisə yaranır. Sonradan adını bildiyi Toğrul Xancanlı adlı şəxs İlahənin nişanlısı olduğunu bildirir və xanımı hardan tanıdığını soruşur. Rüfət Bəkirov İlahə Əhmədəliyevanın 210 saylı orta məktəbdə ingilis dili müəlliməsi olduğunu , onları ortaq tanıdıqları birinin tanış etdiklərini bildirir. Bu səbəbdən aralarında münasibət yaranıb, lakin müəyyən səbəblərdən bu ilişki davam etməyib. Bunu xatırladan Rüfət Bəkirov hər şeyi düz olduğu kimi Toğrula bildirib. Bu zaman Toğrulun səsindən onunla bir müddət əvvəl telefonda mübahisə etdiyi adam olduğunu bilib, “sən İlahənin xalası oğlu Emin adı ilə mənə zəng edən oğlan deyisən?” deyib. Həmən oglan “hə mənəm adım da Toğruldur, özümdə DTX-da isləyirəm” deyərək xidməti vəsiqəsini göstərib və Rüfəti hədələyib. Aralarında söz savaşı gərginləşib. Bu zaman Rüfətin bildirdiyinə görə Toğrul avtomobilin acarını ovucuna sıxdığı halda onun gözündən vurub. “Mənim sağ gözümün üst qapağı iki yerdən zədələndi. Aramızda xeyli mübahisə oldu. Ətrafda adamlar çox olduğundan dava etmək olmadı . Yanımda olan dostum Samir Qədirov mənim avtomobilimi idarə edərək. Respublika Xəstəxanasına gətirdi. Orada həkim qaşıma tikiş qoydu. Mən hadisənin avtomobil təmir edərkən baş verdiyini bildirdim. Respublika Klinik xəstəxanasının həyətində olanda təxminən 17 radələrində mənə zəng gəldi. Zəng edən Toğrul idi, o, İlahə ilə Gənclik Molda olduğunu bildirib, məni yenidən söhbətə çağırırdı. Mən isə orada yox ,başqa yerdə görüşə biləcəyimizi dedim. Bunları ona görə deyirəm ki, telefon danışığımızda o, məni vurduğunu etiraf edirdi. Bunu İlahənin eşitdiyini də hiss edirdim. Çünki o, bildirirdi ki, al İlahə ilə danış. Mənim İlahə Əhmədəliyeva ilə hər hansı söhbətim olmadığını bildirəndə Toğrul idarələrinə bu barədə raport verdiyini, mənə problem yaradacağını bildirdi. Bundan sonra mən DTX, DİN və Bas Prokurorluğa hadisəylə bağlı məlumat verdim. Mənə DTX əməkdaşı, təhqiqatçı Anar adlı şəxs zəng etdi, mənim DTX-ya gəlməyimi bildirdi. Bu arada mənim dostlarıma Toğrulun şöbə müdiri bildirib ki, mən şikayətçi olmayım. Yoxsa onalr İlahə Əhmədəliyevadan mənim əleyhimə ifadə alacaqlar, mənim xəstə olmağım barədə sənədlər ortaya çıxaracaqlar. Guya mən İlhaə Əhmədəliyevaya sataşmışam, bu arada onu müdafiə edən Toğrula yanımda olan dostumla hücum etmişəm, o isə özünü müdafiə edib”.
Prokurorluğun araşdırmalı olduğu iş DTX-ya göndərilib
Rüfət Bəkirov daha sonra bildirir : “DTX-ya tədqiqatçı Anarın yanına getdim. Hadisə ilə bağlı danışanda gözüm kameraya sataşdı, bu zaman Anar mənə bildirdi ki, kameraya baxma, onun istintaqa aidiyyatı olmayan sözlərinə etiraz edərək mən ifadə verməkdən imtina etdim, otağı tərk edəndə bir nəfər mənə yaxınlaşdı adının Fərid olduğunu bildirdi. Sanki həmin şəxs məni kameradan izləyirmiş. O mənə bütün bunları İlahə Əhmədəliyevaya görə etdiyimi bildirdi, onun haqqında xoşagəlməz ifadələr işlətdi. Onun Toğruldan 10 yaş böyük olduğunu xatırladaraq onunla əxlaqsız biri kimi davrandığını bildirdi. Mənə sonradan DTX-nın İstintaq İdarəsinin rəis müavini Səbuhi Şahverdiyevin qəbulunda olanda, bu barədə rəis müavini və Rövşən müəllim adı ilə çağırdıqları bir şəxs də bildirmişdi. Mən ifadəmi verib çıxanda hadisənin tarixini səhvən 24 sentyabr əvəzinə 26 sentyabr qeyd etmişdim. Telefonuma baxanda xatırladım və təhqiqatçı Anara zəng edib deyəndə “eybi yox texniki səhvdir biz düzəldərik qayıtma” dedi. Bunları yazmaqda məqsədim odur ki, sonradan bu kiçik texniki səhvləri mənim şikayətimin araşdırlmaması üçün böyük xəta kimi qələmə veriblər.
Sonra məni Bakı Şəhər Baş Polis idarəsinin müstəntiqi Mirsəlim müəllim çağırdı. İfadəmi verdikdən sonra müstəntiqin göstərişi əsasında “Semaşko” xəstəxanasında ekspertizadan keçdim. Azər adlı həkim xəsarətlərimi olduğu kimi qeyd etmişdi. Eləcə də şahid kimi İlahə Əhmədəliyeva və dostum Samir Qədirovun da ifadəsini alındıqdan sonra iş materialları DTX-ya göndərilib. Halbuki, bu iş qanunvericiliyə görə prokurorluqda araşdırılmalı idi. Dəfələrlə bu barədə şikayətimdən sonra keçmiş baş prokuror Zakir Qaralov keçmiş DTX rəiisindən bu barədə açıqlama istəyib. Bu barədə DTX rəisinin açıqlamasını özüm görmüşəm. Orada qeyd edilib ki, 1 .Bələ hadisə bas verməyib,
2 . Rüfət Bəkirov qisas zəminindəToğ rul Xancanlıya zəng etmisdir
3 .Toğrul Xancanlı DTX-da texniki söbədə bas leytenantdır.
4 . Rufət Bəkirovun psixoloji problemi vardir.
İdadarə rəisi generalı necə aldadıb?
Bu açıqlamanı oxuyanda mənə məlum oldu ki, DTX-nın İstintaq idarəsinin rəisi Faiq Samilov onun müavini Səbuhi Sahverdiyev, təhqiqatçi Anar və Fərid bas vermiş hadisəni ort-basdır etməkdən ötrü mənim 1997-ci ildə idman yarışlarında aldığım kəllə beyin travmasına görə xəstəxanada yatmağım barədə sənədi mənim psixi xəstə olmağım kimi işə əlavə ediblər. Keçmiş DTX rəisi Mədət Quliyevə dəfələrlə teleqramlar vursam da məni qəbul etməyib. Dəfələrlə Fuad Ələsgərovun, Ombudsmanın qəbulunda olmuşam. Baş Nazirin Təhlükəsizlik İdarəsinin rəisinin qəbulunda olub başıma gələnləri danışmışam . Bas Nazirin mavini təhlukəsizlik idarəsinin rəsi DTX rəis müavininə zəng edərək məni şəxsən qəbul etməsini tapşırıb. 2019-cu ildə DTX-nın rəis müavini general mayor İsmayıl Bağırov məni qəbul edəndə İstintaq İdarəsinin rəisi Faiq Şamilov yalan məlumatlar verəndə mən bütün bunlara etirazımı bildirmişəm. Guya ekspert rəyinin olmaması, mənim Toğrulun qabağını kəsməyim, hadisənin tarixinin yanlış qeyd edilməsini olduğu kimi izah edəndən sonra, İsmayıl Bağırov hadisə yerində təhlükəsizlik kameralarının olub olmamasını soruşuanda Faiq Şamilov yenidən TŞK olmaması barədə yalan məlumat verəndə, mən həmin ərazidə TŞK 4 -153, TŞK 4 -154, TŞK 4-002 , TŞK – 070 kameralarının olmasını bildirdim. Bütün bunları görən İsmayıl Bağırov bilmirəm yalandanmı, ya doğrudanmı Faiq Şamilova hirslənərək mənim onun bütün yalanlarını çıxardığımı etiraf etdi. Sonra iş materiallarını ona təqdim etməyi bildirdi. İş materialına baxaraq müddətin keçdiyini, yalnız Toğrul Xancanlıya töhmət verəcəyini bildirəndə etiraz etdim. Vaxtın qəsdən üç il uzadılmasını bildirdim. İsmayıl Bağırova onu da bildirdim ki, siz məcbur edirsiniz ki, mən Xancanlı ilə özüm haqq-hesab edim, mən zorakılığın əleyhinəyəm, onun qanunla törətdiyi cinayət əməlinəə görə cəzalanmasını istəyirəm.
Əslində DTX-nın rəhbərliyi mənə minnətdar olmalı idi ki, onun tabeliyində olan idarə rəisinin onu necə aldatdığını sübut etmişdim. Faiq Şamilov öz rəislərinə məruzə etdiyi kimi Nazirlər Kabinetinə və Ombudsman Aparatına da eyni ilə yalan məlumatlar vermişdi”.
Baş prokuror sıravi DTX zabitindən qorxur
Kamran Əliyev Baş Prokuror təyin edildikdən sonra ümidləndiyini bildirən Rüfət Bəkirov yazır: “ Kamran Əliyev Baş Prokuror təyin olunandan sonra ümid etdim ki, mənim şikayətim obyektiv araşdırılar. Baş prokuror məni qəbul etmədi. Əksinə bu işin keçmiş baş prokuror Zakir Qaralovdan miras qaldığını bildirdilər. Nə qədər gülməli cavab, elə bil Baş Prokuror vəzifəsi kiminsə şəxsi işidir. Mənə şifahi olaraq 2017-ci ildə baş vermiş hadisənin müddətinin bitdiyini bildirəndə, dedim ki, onda mənə rəsmi cavab verin məhkəməyə müraciət edim. Prezident admistrasiyasında Fuad Ələsgərovun şöbəsində Gülnar Rəsulova mənim şikayətimlə bağlı məktubu baş prokurorluğa göndərib, Kamran Əliyev isə saymazyana bir kənara atıb, heç bir cavab verməyib. Növbəti dəfə Fuad Ələsgərovun işin xüsusi nəzarətə götürülməsi barədə məktubu da Kamran Əliyev tərəfindən saya salınmayıb.
Respublika Prokurorluğunda bu işə təhkim olunmuş Qədir Məmmədov, şöbə rəisi general Ramil Məcidov məni qəbul etsə də yenə nəticə olmayıb. Baş Prokurorluğun qəbul Şöbəsinin rəisi Eldar Sultanov isə mənə bildirdi ki, Kamran Əliyev ona bu məsələnin həll olunmasını tapşırıb ki, mən bir daha prezidentə şikayət etməyim. Bilmirəm bunlar onlardan şikayət olunmamsası üçün işləyirlər yoxsa vəzifələrini yerinə yetirirlər? Hətta, Eldar Sultanov mənim xeyirxah işlə məşğul olduğum barədə Kamran Əliyevin məlumatlı olduğunu da bildirdi (mən idman hərəkətləri ilə və masajla onurğa yırtığından əziyyət çəkən xəstələri və iflic olmuş xəstələri müalicə edə bilirəm, bu barədə coxlu videolar da var ). Bu yolla məni əla alamq istədi. Guya mən onlara dost qardaşam. Mən isə “məni dost qardaş bilməyin, düşmən bilin amma işimi obyektiv araşdırın” dedim.
“Məni cinayət etməyə sövq edirlər”
Sonda Rüfət Bəkirov ölkə başçısına müraciət edib. Bildirib ki, Prezidentin tapşırıqlarına məhəl qoyan yoxdur. Baş Prokuror sıravi bir DTX zabitinin əlində aciz qalıb. “Cənab prezident, bəlkə mən bilmirəm, hələ də DTX rəisi Eldar Mahmudov, baş Prokuror Zakir Qalovdur? Bu qurumların rəhbərləri yenə əvvəlki qaydada işləyirlər axı… DTX-nı bir təhər başa düşmək olar öz işçisini qoruyur. Bəs niyə Baş Prokuror adi bir DTX işçisindən çəkinməlidir? Toğrul Xancanlı dövlət üçün nə qədər önəmli bir şəxsdir ki, onu bu səviyədə qoruyurlar. Hətta Binəqədi rayon prokuroru Nazim İmanova mənim həbsim barədə göstəriş də verilib. Binəqədi Rayon Polis idarəsi məni qanunsuz saxlayıb. Bu qanunsuz saxlanma barədə məhkəməyə müraciət edib, işin Avropa İnsan Haqları Məhkəməsinə qədər çıxmasına çalışacağam. Cənab Prezident, sizin güc nazirlikləri, bu işə baxmamaqla məni cinayət törətməyə sövq etmək istəyirlər. Onlar mənim əlacsız qalıb, Toğrul Xancanlıdan qisas almağımı istəyirlər. Amma bilirəm ki, belə işlər nə mənə, nə də dövlətin adına uğur gətirməyəcək. Odur ki, tabeliyinizdə olan Baş Prokurora, DTX rəisinə tapşırın ki, bu məsələni ört-basdır etməkdən çəkinsinlər. Bir DTX zabitini cəzalandırmaqdan qorxmasınlar”,- sözləri ilə Rüfət Bəkirov müraciətini bitirib.
Məsələ ilə bağlı adı çəkilən qurumların və şəxslərin münasibət bildirmək hüququ saxlanılır.
azadliq.info