စစ်ကိုင်းတိုင်း မြောင်မြို့မှ ထွက်လာသော စစ်ကောင်စီတပ်ကို လက်လုပ်အမြှောက်များဖြင့် ပစ်ခတ်တိုက်ခိုက်ခဲ့ကြောင်း မြောင်မြို့နယ် TGR ပြည်သူ့ကာကွယ်ရေးတပ်က ယနေ့(မေ ၂၇)ထုတ်ပြန်သည်။
ယနေ့နံနက် ၉ နာရီခွဲက မြောင်မှထွက်လာသော စစ်ကောင်စီတပ်ကို လက်ယက်မရွာနှင့် အောင်ချမ်းသာရွာကြားတွင် တစ်ဖက်ပွင့် Mytel အမြှောက်ကြီးသုံးလုံးဖြင့် တိုက်ခိုက်ခဲ့ခြင်းဖြစ်ကြောင်း ဖော်ပြသည်။
“မိုင်းဆွဲထားတယ်ဗျိုး မီးရှို့ထားတဲ့ စစ်ခွေးများငရဲသို့ ပို့ထားတယ်အရေအတွက် လာမယ်မျှော်”ဟု TGR တပ်မှ ဗိုလ်တိုက်ဂါးက အသိပေးသည်။
အထက်ပါတိုက်ခိုက်မှုကြောင့် အကြမ်းဖက်စစ်ကောင်စီတပ်မှ အနည်းဆုံးခြောက်ဦးသေဆုံးကြောင်း မျက်မြင်တွေ့ရှိသူများကိုကိုးကားပြီး TGRက ထုတ်ပြန်သည်။
တိုက်ခိုက်မှုကို မြောင်မြို့နယ် TGR ပြောက်ကျားတပ်၊ ဗိုလ်နေတိုးအထူးပြောက်ကျားအဖွဲ့၊ ဗိုလ်တောက်ထွန်း MBTT ၊ 11 Brothers ၊ BGF(Myingyan)၊ Saw Bwar Gyi(MPDF)တို့ ပူးပေါင်းတိုက်ခိုက်ခဲ့ခြင်း ဖြစ်သည်။
